ବଲାଙ୍ଗୀର ବନ ବିଭାଗ ର ତୁହାକୁ ତୁହା ଚୋରା କାଠ ଚାଲାଣ ଧର ପଗଡ

ମହେନ୍ଦ୍ର କୁମାର ଦର୍ଜିଙ୍କ ରିପୋର୍ଟ
ବଲାଙ୍ଗୀର, ୧୬/୬ : ବଲାଙ୍ଗିର ବନ ବିଭାଗ ଇତି ମଧ୍ୟରେ ସକ୍ରିୟ ହୋଇ ଅନେକ ଚୋରା କାଠ ଚାଲାଣ ଗାଡ଼ି ସହ କିଛି କାଠ ଚୋର ଙ୍କୁ ଧରି କେସ ରୁଜୁ କରିସାରିଲାଣି।
କାଠ ଚୋର ମାନେ ଜଙ୍ଗଲ ବିଭାଗର ଏତାଦୃଶ କାର୍ଯ୍ୟ ରେ ତ୍ରାହି ତ୍ରାହି ଭଜିଲେଣି।ହେଲେ କାଠ ଚୋର ମାନେ ଜଙ୍ଗଲ ବିଭାଗର ଚଢ଼ାଉ ସତ୍ତ୍ୱେ ବେଫିକର୍।ଜଙ୍ଗଲ ଭିତରେ ପଶି ବେଧଡକ ନାମୀ ଦାମୀ ବୃକ୍ଷ କାଟି ଚୋରା ଚାଲାଣ କରିବାରେ ବ୍ୟସ୍ତ।ଚୋରା କାଠ ଚାଲାଣ ହେଉଥିବା ସମୟରେ ବିଭାଗ କାଠ ଏବଂ ଗାଡ଼ି କୁ ଧରିବାରେ ସଫଳ ହେଉଥିବା ବେଳେ ଚୋର ଧରିବାରେ ବିଫଳ ହୋଇଛି।କିଛି କାଠ ଚୋର ଙ୍କୁ ଧରିଥିବା ବେଳେ ଅନେକ କାଠ ଚୋର ପଳାୟନ କରିଛନ୍ତି।ନକଲି କାଗଜ ପତ୍ର ର ଗାଡ଼ି ମାନଙ୍କରେ ଏହି ଚୋରା କାଠ ଚାଲାଣ ହେଉଥିବା ବେଳେ ଅଳ୍ପ ଦାମରେ କିଣିଥିବା ଗାଡ଼ି ପ୍ରତି ଚୋର ଧ୍ୟାନ ଦେଉ ନ ଥିବା ପରିଲକ୍ଷିତ ହୁଏ।
ପ୍ରତିଦିନ ଏତେ ପରିମାଣରେ କାଠ ସହ ଗାଡ଼ି ଜବତ ହେଉଥିଲେ ହେଁ କାଠ ଚୋର ମାନେ କିଭଳି କେଉଁ କେଉଁ ଜଙ୍ଗଲ ରୁ ଏହି କାଠ କାଟି ଚୋରା ଚାଲାଣ କରୁଛନ୍ତି ତଦନ୍ତ ସାପେକ୍ଷ୍ୟ।
ଯଦି ଏଭଳି ପ୍ରକ୍ରିୟା ଜାରି ରହେ ତେବେ ଆଗାମୀ ଦିନରେ ବଲାଙ୍ଗିର ଜିଲ୍ଲା ଜଙ୍ଗଲ ଶୂନ୍ୟ ହୋଇଯିବ ବୋଲି ଅନୁମାନ କରାଯାଏ।
କାଠ ମାଫିଆ ମାନେ ବେଧଡକ ଜିଲ୍ଲାର ବିଭିନ୍ନ ସଂରକ୍ଷିତ ଜଙ୍ଗଲ କୁ ପ୍ରବେଶ କରି ଅନେକ ନାମୀ ଦାମୀ ବୃକ୍ଷ କାଟି ବାହାର ରାଜ୍ୟକୁ ଚୋରା ଚାଲାଣ କରୁଥିବା ବେଳେ ଜଙ୍ଗଲ ବିଭାଗ ଚୋର କୁ ଜଗିଛି ବାଟରେ।ଜଙ୍ଗଲ କଟିଲା ସମୟରେ ଧରିବା ପରିବର୍ତ୍ତେ ମାଫିଆ କାଠ କାଟି ଆଣୁଥିବା ବେଳେ ଧରି ବେଶ୍ ଖୁସି ଅନୁଭବ କରୁଥିବା ପରିଲକ୍ଷିତ ହୁଏ।
ଲଜ୍ୟା ର ବିଷୟ ସରକାର ଜଙ୍ଗଲ କୁ ସୁରକ୍ଷା ଦେବା ପାଇଁ ଅନେକ କର୍ମଚାରୀ ଙ୍କୁ ଦରମା ଦେଇ ନିୟୋଜିତ କରିଥିବା ବେଳେ ଜଙ୍ଗଲ ଭିତରୁ ବୃକ୍ଷ କଟି ଚାଲାଣ ହେଉଥିବା ସମୟରେ ଧରି ବାହା ବାହା ନେବା କେତେଦୂର ଯଥାର୍ଥ।
ଏଣୁ ବଲାଙ୍ଗିର ଜଙ୍ଗଲ ବିଭାଗ ଜଙ୍ଗଲ ରେ ଥିବା ବୃକ୍ଷ ମାନଙ୍କୁ ସୁରକ୍ଷା ଦେବାରେ ବିଫଳ ହୋଇଛି।ଜୀବନ୍ତ ବୃକ୍ଷ ମାନଙ୍କୁ ସୁରକ୍ଷା ଦେବା ପରିବର୍ତ୍ତେ କାଠ ମାଫିଆ ର ନିର୍ମମ କୁଠାର୍ ଘାତ ରେ ନିର୍ଜୀବ ହୋଇଥିବା ବୃକ୍ଷ ମାନଙ୍କୁ ଧରି ବେଶ୍ ଖୁସି।
ଜଙ୍ଗଲ ବିଭାଗ ତାର ପ୍ରକୃତ କାର୍ଯ୍ୟରୁ ଦୂରେଇ ରହୁଥିବା ପ୍ରତିତ ହେଉଛି।ବଲାଙ୍ଗିର ଜିଲ୍ଲା ଜଙ୍ଗଲ ବିଭାଗରେ ଅନେକ କର୍ମଚାରୀ ପଦବୀ ଏବଂ କାର୍ଯ୍ୟପନ୍ଥା ଅନୁଯାୟୀ ନିୟୋଜିତ ହୋଇଛନ୍ତି।
ଜିଲ୍ଲାରେ ଡିଏଫ୍ଓ,ରେଞ୍ଜର, ଏସିଏଫ୍,ଫରେଷ୍ଟର,ଫରେଷ୍ଟ ଗାର୍ଡ,ପାରା ଫରେଷ୍ଟ ଷ୍ଟାଫ୍, ଏଲିଫେଣ୍ଟ ସ୍କ୍ୱାର୍ଡ,ୱାଇଲ୍ଡ ଆନିମାଲ୍ସ ପ୍ରୋଟେକ୍ସନ୍ ସ୍କ୍ୱାର୍ଡ କାର୍ଯ୍ୟରତ ଅଛନ୍ତି।ତେବେ ଏମାନେ କରୁଛନ୍ତି କଣ ବୋଲି ପ୍ରଶ୍ନ ହୁଏ।
ବୋଧହୁଏ କର୍ମଚାରୀ ମାନେ ମାସାଧିକ କାଳ ଜଙ୍ଗଲ କୁ ଯାଉ ନ ଥିବାରୁ ଏଭଳି ବେଆଇନ ଭାବେ ବୃକ୍ଷ କଟୁଥିବା ଅନୁମାନ କରାଯାଏ।ସରକାରୀ କର୍ମଚାରୀ ଏବଂ ବନବାସୀଙ୍କୁ ନେଇ ଗଠିତ ଯୌଥ ବନ ପରିଚାଳନା କ୍ରମେ ଜଙ୍ଗଲ ସୁରକ୍ଷା ପାଇଁ ସରକାର ଙ୍କ ଠାରୁ ପ୍ରୋତ୍ସାହନ ରାଶି ଆସୁଥିବା ବେଳେ ବିଭାଗ ର ସମନ୍ୱୟ ଏବଂ ସଚେତନତା ଅଭାବ ଯୋଗୁଁ ଜଙ୍ଗଲ ସୁରକ୍ଷା ରେ ଅବହେଳା ହେଉଥିବା ଚର୍ଚ୍ଚା ହେଉଛି।ବଲାଙ୍ଗିର ଜଙ୍ଗଲ ବିଭାଗ ରେ ଡିଏଫ୍ଓ ଶ୍ରୀଯୁକ୍ତ ଅଜିତ ବିଶି ଯୋଗଦାନ କରିବା ଦିନ ଠାରୁ ଜଙ୍ଗଲ ମାଫିଆ ଙ୍କ ନିଦ ହଜି ଯାଇଛି।
ବର୍ତ୍ତମାନ ଜଙ୍ଗଲ ମାଫିଆ ମାନେ ଯେପରି ଜଙ୍ଗଲ ର ବୃକ୍ଷ କାଟି ନ ପାରିବେ ଏବଂ ଜଙ୍ଗଲ କୁ ସୁରକ୍ଷା ଦିଆଯିବ ସେଥି ପ୍ରତି ଦୃଷ୍ଟି ଦେବାର ସମୟ ଆସିଯାଇଛି।ଏଣୁ ନୂତନ ଭାବେ ଯୋଗଦାନ କରିଥିବା ଡିଏଫ୍ଓ ଏଥିପ୍ରତି ଦୃଷ୍ଟି ଦେଲେ ଜଙ୍ଗଲ ମାଫିଆ ସମୂଲେ ଧ୍ଵଂସ ହୋଇଯିବେ।ବୃକ୍ଷ କୁ କାଟିବା ପାଇଁ ବୃକ୍ଷ ର କାଠ କୁରାଢି ରେ ବେଣ୍ଟ ଭାବରେ ଲଗାଯାଇଥାଏ।ଅନୁମାନ କରାଯାଏ ଜଙ୍ଗଲ ବିଭାଗ ର ମଧ୍ୟ କିଛି କର୍ମଚାରୀ ଙ୍କ ଜଙ୍ଗଲ ମାଫିଆ ସହ ଅସାଧୁ ମେଣ୍ଟ ଥାଇପାରେ,ଯଦ୍ୱାରା ଏତେ ପରିମାଣ ର ବେଆଇନ କାଠ ଚୋରାଚାଲାଣ ହେଉଛି ଯାହାକି ତଦନ୍ତ ସାପେକ୍ଷ।ଏଣୁ ଜଙ୍ଗଲ ବିଭାଗ ମୁଖ୍ୟ ଏଭଳି ମୁଖାଧାରି ଅସାଧୁ କର୍ମଚାରୀ ମାନଙ୍କୁ ଚିହ୍ନଟ କରି ଉଚିତ୍ କାର୍ଯ୍ୟାନୁଷ୍ଠାନ ଗ୍ରହଣ କଲେ ଆଗାମୀ ଦିନରେ ଏକ ଭୟ ର ବାତାବରଣ ସୃଷ୍ଟି ହେବା ସହ ଜଙ୍ଗଲ ବଞ୍ଚିବ ବୋଲି ସାଧାରଣରେ ଚର୍ଚ୍ଚା ହୁଏ।
ଜଙ୍ଗଲ ର ବୃକ୍ଷ ଗୁଡ଼ିକୁ କିପରି ସୁରକ୍ଷିତ ରଖାଯିବ ବିଭାଗ ମୁଖ୍ୟ ଏ ଦିଗରେ ତାଙ୍କ ଅଧୀନ ରେ ଥିବା କର୍ମଚାରୀ ମାନଙ୍କୁ ସକ୍ରିୟ କଲେ ଜଙ୍ଗଲ ଉଜୁଡ଼ିବା ପରିବର୍ତ୍ତେ ସୁରକ୍ଷାର ବଳୟରେ ଜଙ୍ଗଲ ସୁରକ୍ଷିତ ରହିବ।
ବେଆଇନ ଚାଲାଣ କାଠ ଜବତ ପରେ ତାକୁ ଡିପୋ କୁ ହସ୍ତାନ୍ତର କରାଯାଉ ଥିବା ବେଳେ ଏହି କାଠ ବିକ୍ରି ହୋଇ ଫର୍ଣିଚର ସାମଗ୍ରୀ ତିଆରି ହେଉଥିବା ଦେଖିବାକୁ ମିଳୁଛି।ଆଉ କିଛି କାଠ କୁ ଇଟାଭାଟି ମାଲିକ ମାନେ ମଧ୍ୟ କିଣିନେଇ ଇଟା ପୋଡ଼ୁଛନ୍ତି।
ଯଦ୍ୱାରା ଜଙ୍ଗଲ ଏବଂ ପରିବେଶ ପ୍ରଦୂଷଣ ହେଉଛି।ଅନେକ କେନ୍ଦୁ ଏବଂ ଖଇର କାଠ କୁଆଡେ କିଛି ଜମି ମାଲିକ ମାନଙ୍କ ଜମି ରେ ଥିବା ରୁ ସେଠାରୁ କଟି ଚାଲାଣ ହେଉଥିବା ବିଷୟ ବିଭାଗ ର କିଛି କର୍ମଚାରୀ ମାନଙ୍କ ଠାରୁ ଶୁଣିବାକୁ ମିଳେ।
ତେବେ ଏତେ ପରିମାଣର କେନ୍ଦୁ ଏବଂ ଖଇର ଯଦି ଜମି ମାଲିକ ମାନଙ୍କ ଜମିରେ ଅଛି ତେବେ ବଲାଙ୍ଗିର ଜିଲ୍ଲା ଜଙ୍ଗଲ ରେ ଏହି ସ୍ପେଶିସ୍ ର କଣ ମରୁଡି ହୋଇଛି କି ବୋଲି ପ୍ରଶ୍ନ ହୁଏ। ଜଙ୍ଗଲ ବିଭାଗ ଅନ୍ୟ ଉପରେ ଥୋପ ନ ପକାଇ ନିଜ କାମ ସୁଚାରୁ ରୁପେ ସମ୍ପାଦନ କଲେ ମାଫିଆ କବଳରୁ ଜଙ୍ଗଲ କୁ ସୁରକ୍ଷା ଦିଆଯାଇ ପାରିବ।
ତେବେ ୧୪.୬.୨୫ ରିଖ ରାତ୍ର ପେଟ୍ରୋଲିଂ ବେଳେ ରାତ୍ର ପ୍ରାୟ ୨.୧୦ ସମୟରେ ଲାଠୋର ବିଟ୍,ଲାଠୋର ସେକ୍ସନ ର ଖର୍ଲି ଗ୍ରାମ ନିକଟ ରେ ଲାଠୋର୍ ରେଞ୍ଜ ଷ୍ଟାଫ୍ ଏକ ପୀକ୍ ଅପ୍ ଗାଡ଼ି ଙଜ୦୭ଝ୬୯୭୮ କୁ ଧରିଥିଲେ।
ଏହି ଗାଡ଼ି ରେ ୨୦ କ୍ଵିଣ୍ଟାଲ ଚୋରା ଖଇର କାଠ ବୋଝେଇ ହୋଇ ଚୋରାଚାଲାଣ ହେଉଥିଲା।ଏ ସମ୍ପର୍କରେ କାଠ ବୋଝେଇ ଗାଡ଼ିକୁ ଜବତ କରି ଅଧିକ ତଦନ୍ତ ଚାଲିଛି।