ଆହୁରି ୪ ଦିନ କଲବଲ କରିବ ଖରା, ଆକାଶରୁ ବର୍ଷିବ ନିଆଁ , ୩ ଜିଲ୍ଲାକୁ ହିଟ୍ଓ୍ବେଭ ଆଲର୍ଟ
ଭୁବନେଶ୍ୱର, ୨୪/୫ :ଓଡ଼ିଶାରେ ଗ୍ରୀଷ୍ମ ପ୍ରବାହ ସମସ୍ତ ସୀମା ପାର୍ କରିବାକୁ ବସିଛି। ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର (IMD) ର ସର୍ବଶେଷ ବୁଲେଟିନ୍ ଅନୁଯାୟୀ, ଆସନ୍ତା ୪ ରୁ ୫ ଦିନ (୨୮ ମେ ପର୍ୟ୍ୟନ୍ତ) ରାଜ୍ୟବାସୀଙ୍କୁ ଏହି ପ୍ରାଣଘାତୀ ଗରମ ଓ ଗୁଳୁଗୁଳିରୁ କୌଣସି ନିସ୍ତାର ମିଳିବାର ସମ୍ଭାବନା ନାହିଁ। ବାୟୁମଣ୍ଡଳକୁ ପଶ୍ଚିମ ଦିଗରୁ ଆସୁଥିବା ଶୁଷ୍କ ଓ ଗରମ ପବନ ଯୋଗୁଁ ସୂର୍ୟ୍ୟଙ୍କ ପ୍ରକୋପ ଆହୁରି ବଢ଼ିବ।
ପରିସ୍ଥିତିକୁ ଦୃଷ୍ଟିରେ ରଖି ରାଜ୍ୟ ସରକାର ଏବଂ ସ୍ୱତନ୍ତ୍ର ସାହାଯ୍ୟ କମିଶନର (ଝଜଉ) ସମସ୍ତ ଜିଲ୍ଲା ପ୍ରଶାସନକୁ ତତ୍କାଳ ଆକ୍ସନ ମୋଡ୍ରେ ରହିବାକୁ ନିର୍ଦ୍ଦେଶ ଦେଇଛନ୍ତି।
ଜିଲ୍ଲାୱାରୀ ଚେତାବନୀ: କେଉଁଠି କି ଆଲର୍ଟ?
ପାଣିପାଗ ବିଭାଗ ଆଗାମୀ ୪ ଦିନ ପାଇଁ ରାଜ୍ୟର ବିଭିନ୍ନ ଜିଲ୍ଲାକୁ ହେଡ୍-ୱେଭ୍ ବା ଗ୍ରୀଷ୍ମ ପ୍ରବାହ ଆଧାରରେ ଭାଗ କରିଛି:
୧. ପଶ୍ଚିମ ଓଡ଼ିଶା ପାଇଁ ‘ଅରେଞ୍ଜ ଆଲର୍ଟ’
ପଶ୍ଚିମ ଓଡ଼ିଶାର ଜିଲ୍ଲାଗୁଡ଼ିକରେ ତାପମାତ୍ରା ସ୍ୱାଭାବିକଠାରୁ ୪.୫ପ୍ସଉ ରୁ ୬.୫ପ୍ସଉ ପର୍ୟ୍ୟନ୍ତ ଅଧିକ ରହିବ। ମୁଖ୍ୟ ଜିଲ୍ଲା: ଝାରସୁଗୁଡ଼ା, ସମ୍ବଲପୁର, ବଲାଙ୍ଗୀର, ସୋନପୁର ଏବଂ ବୌଦ୍ଧ। ବଲାଙ୍ଗୀର ଓ ସମ୍ବଲପୁରରେ ଦିନର ତାପମାତ୍ରା ୪୫ପ୍ସଉ ରୁ ୪୬ପ୍ସଉ ଛୁଇଁବା ସହ ରାତି ସମୟରେ ମଧ୍ୟ ଗରମ ପବନ (ଲୁ) ବହିବ। ଫଳରେ ଲୋକଙ୍କୁ ୨୪ ଘଣ୍ଟା କଷ୍ଟ ଭୋଗିବାକୁ ପଡ଼ିବ।
୨. ୧୫ଟି ଜିଲ୍ଲା ପାଇଁ ‘ୟେଲୋ ଆଲର୍ଟ’
ମୁଖ୍ୟ ଜିଲ୍ଲା: ସୁନ୍ଦରଗଡ଼, ଦେବଗଡ଼, ଅନୁଗୁଳ, ମାଲକାନଗିରି, କଳାହାଣ୍ଡି, ନୂଆପଡ଼ା ଏବଂ ନବରଙ୍ଗପୁର। ଏହି ଅଞ୍ଚଳଗୁଡ଼ିକରେ ପାରଦ ୪୨ପ୍ସଉ ରୁ ୪୪ପ୍ସଉ ମଧ୍ୟରେ ରହିବ। ଅପରାହ୍ନ ସମୟରେ କେତେକ ସ୍ଥାନରେ ସ୍ଥାନୀୟ କାଳବୈଶାଖୀ ଜନିତ ବଜ୍ରପାତ ହୋଇପାରେ, କିନ୍ତୁ ଏହାଦ୍ୱାରା ଦିନର ଗରମ କମିବାର କୌଣସି ସଂକେତ ନାହିଁ।
ଟ୍ୱିନ୍ ସିଟି (ଭୁବନେଶ୍ୱର ଓ କଟକ) ସମେତ ସମ୍ପୂର୍ଣ୍ଣ ଉପକୂଳ ଓଡ଼ିଶାରେ ପାରଦ ବହୁତ ବଢୁନାହିଁ, କିନ୍ତୁ ଏଠାକାର ସ୍ଥିତି ଅଧିକ ଯନ୍ତ୍ରଣାଦାୟକ। ବଙ୍ଗୋପସାଗରରୁ ପ୍ରବଳ ମାତ୍ରାରେ ଜଳୀୟବାଷ୍ପ ଆସୁଥିବାରୁ ବାୟୁମଣ୍ଡଳରେ ଆଦ୍ରତା ପ୍ରାୟ ୮୫% ରୁ ୯୦% ରହୁଛି। ଭୁବନେଶ୍ୱର, କଟକ, ପୁରୀ ଓ ବାଲେଶ୍ୱରରେ ତାପମାତ୍ରା ୩୯ପ୍ସଉ ରୁ ୪୦ପ୍ସଉ ରହିଲେ ମଧ୍ୟ ମଣିଷ ଶରୀରକୁ ଏହା ୫୦ପ୍ସଉ ରୁ ୫୨ପ୍ସଉ ଭଳି ମନେହେଉଛି (ଯାହାକୁ Heat Index ବା Real Feel କୁହାଯାଏ)। ଏହି କାରଣରୁ ଲୋକେ ପ୍ରବଳ ଝାଳେଇବା ସହ ଅସ୍ତବ୍ୟସ୍ତ ହୋଇପଡୁଛନ୍ତି।
କେବେ ମିଳିବ ତ୍ରାହି?
ପାଣିପାଗ ବିଜ୍ଞାନୀଙ୍କ ସୂଚନା ଅନୁଯାୟୀ, ମେ ୨୯ ତାରିଖ ଆଡ଼କୁ ବଙ୍ଗୋପସାଗରରେ ଏକ ସାମୁଦ୍ରିକ ବାୟୁ ଚଳାଚଳ କ୍ଷେତ୍ର ସୃଷ୍ଟି ହେବ। ଏହାର ପ୍ରଭାବରେ ମେ ୩୦ ରୁ ଜୁନ୍ ୨ ମଧ୍ୟରେ ରାଜ୍ୟର ଅଧିକାଂଶ ସ୍ଥାନରେ ପ୍ରାକ୍-ମୌସୁମୀ ବର୍ଷା ବା କାଳବୈଶାଖୀର ପରିମାଣ ବଢ଼ିବ। ଏହାଫଳରେ ତାପମାତ୍ରା ୩ ରୁ ୪ ଡିଗ୍ରୀ କମିବ ଏବଂ ଗ୍ରୀଷ୍ମ ପ୍ରବାହରୁ ବଡ଼ ଆଶ୍ୱସ୍ତି ମିଳିବ।
ଚା
