ବାଲେଶ୍ୱର : ଜିଲ୍ଲା ପ୍ରଶାସନ ଏବଂ ପୋଲିସ ଜଳେଶ୍ୱର ତହସିଲ ଅଧୀନ ଚାଲନ୍ତି ଅଞ୍ଚଳରେ ଅବୈଧ ବାଲି ଉତ୍ଥାନ ଓ ପରିବହନ ବିରୋଧରେ ଏକ ଅକସ୍ମାତ୍ ଚଢ଼ଉ
ସୁଦାମ ପାତ୍ରଙ୍କ ରିପୋର୍ଟ
ବାଲେଶ୍ୱର, ୨୭/୧୧ : ଆଜି ବାଲେଶ୍ୱର ଜିଲ୍ଲା ପ୍ରଶାସନ ଓ ପୋଲିସ ଜଲେଶ୍ୱର ତହସିଲ୍ ଅଧୀନ ଚାଲନ୍ତି ଅଞ୍ଚଳରେ ଅବୈଧ ବାଲି ଉତ୍ଥାନ ଓ ପରିବହନ ବିରୋଧରେ ଏକ ଅକସ୍ମାତ୍ ଚଢ଼ଉ କରିଛନ୍ତି।
ଏହି ଯୁଗ୍ମ ଅଭିଯାନର ନେତୃତ୍ୱ କରିଛନ୍ତି କଳେକ୍ଟର ଶ୍ରୀ ସୂର୍ୟ୍ୟବଂଶୀ ମୟୂର ବିକାଶ, ଏସ୍.ପି. ଶ୍ରୀ ପ୍ରତ୍ୟୁଷ ଦିବାକର, ଉପ ଜିଲ୍ଲାପାଳ ଶ୍ରୀ ଶିଭ ମାଳବିୟ ଓ ଡି ଏସ ପି ସିଟି ମନିଷା ଶୌଗୁନ୍। ତହସିଲଦାର, ଜଲେଶ୍ୱର ଶ୍ରୀ ସତ୍ୟଜିତ ମହାନ୍ତି ଓ ତାଙ୍କ ଦଳ, ସହିତ ସ୍ଥାନୀୟ ଆରକ୍ଷୀ ନିରୀକ୍ଷକ ଉପସ୍ଥିତ ଥିଲେ।
ଚଢ଼ଉ ସମୟରେ ଅନୁମତି ବିହୀନ ଭାବେ ବାଲି ପରିବହନ କରୁଥିବା ୨୮ଟି ହାଇୱା ଟ୍ରକ୍ କୁ ଜବତ କରାଗଲା। ଏହି ସଫଳ ଅପରେସନ୍ ଫଳରେ ଅବୈଧ ଖନନ ଓ ବାଲି ବ୍ୟବସାୟରେ ଲିପ୍ତ ମାଫିଆ ମାନଙ୍କ ଉପରେ କଠୋର ସନ୍ଦେଶ ପହଞ୍ଚିଛି।
ଜିଲ୍ଲାପାଳ ଶ୍ରୀ ବିକାଶ କହିଛନ୍ତି ଯେ, ଅବୈଧ ଖନନ ବିରୋଧରେ ଶୂନ୍ୟ ସହିଷ୍ଣୁତା ନୀତି ଗ୍ରହଣ କରାଯିବ ଓ ଆଗାମୀ ଦିନରେ ମଧ୍ୟ ଏପରି ରେଡ୍ ଜାରି ରହିବ।
ଅପରାଧୀମାନଙ୍କ ବିରୋଧରେ ଓ ଏମ ଏମ ସି ଓ ଅନ୍ୟାନ୍ୟ ନିୟମାବଳୀ ଅନୁସାରେ ଆଇନ ଯୁକ୍ତ ପଦକ୍ଷେପ ଗ୍ରହଣ ପ୍ରକ୍ରିୟା ଚାଲିଛି।
