Odisha News

ରାଜଯୋଗିନୀ ଡା. କମଳେଶ ଦିଦିଜୀଙ୍କ ଦିବ୍ୟ ପ୍ରସ୍ଥାନ

ବରଦା ପ୍ରସନ୍ନ ଦାସଙ୍କ ରିପୋର୍ଟ
କଟକ, ୨୨/୧୧ : ଗଭୀର ଶୋକ ସହ ବ୍ରହ୍ମାକୁମାରୀ ପରିବାର, ଓଡିଶା ଆଜି ସୂଚନା ଦେଇଛି ଯେ ଆଦରଣୀୟ ଆଧ୍ୟାତ୍ମିକ ନେତୃତ୍ୱ, ରାଜଯୋଗିନୀ ଡା. କମଳେଶ ଦିଦିଜୀ ଆଜି ପୁବାହ୍ନ ୧୦:୪୦ରେ ଦେହତ୍ୟାଗ କରି ଦିବ୍ୟ ଲୋକକୁ ପ୍ରସ୍ଥାନ କରିଛନ୍ତି।
ଡା. କମଳେଶ ଦିଦିଜୀଙ୍କୁ ତାଙ୍କ ଅସାମାନ୍ୟ ଆଧ୍ୟାତ୍ମିକ ସେବା, ସାମାଜିକ ଉନ୍ନତି, ଶାନ୍ତି, ନାରୀ ସଶକ୍ତିକରଣ ଓ ମୂଲ୍ୟଭିତ୍ତିକ ଜୀବନ ପ୍ରଚାର ପାଇଁ ଡକ୍ଟରେଟ୍ ସମ୍ମାନ ପ୍ରଦାନ କରାଯାଇଥିଲା। ତାଙ୍କ ସରଳତା, ମାଧୁର୍ଯ୍ୟ ଓ ସମର୍ପିତ ସେବା ଓଡିଶାର ଲକ୍ଷୋଧିକ ଲୋକଙ୍କୁ ପ୍ରଭାବିତ କରିଛି।
ତାଙ୍କ ଦୃଷ୍ଟିସମ୍ପନ୍ନ ନେତୃତ୍ୱ ତଳେ ବ୍ରହ୍ମାକୁମାରୀ ପରିବାର ଓଡିଶାରେ ବିସ୍ତାରିତ ଓ ସୁଦୃଢ଼ ହୋଇଛି। ଅନେକ ଧ୍ୟାନ କେନ୍ଦ୍ର ସ୍ଥାପନ ଓ ସାମାଜିକ-ଆଧ୍ୟାତ୍ମିକ ଜାଗରଣ ସୃଷ୍ଟିରେ ତାଙ୍କ ଅବଦାନ ଅତୁଳନୀୟ।
ଡା. କମଳେଶ ଦିଦିଜୀଙ୍କ ପ୍ରମୁଖ ଅବଦାନଗୁଡିକ: ଓଡିଶାର ଆଧ୍ୟାତ୍ମିକ ଓ ସାଂସ୍କୃତିକ ପରିବେଶକୁ ଶକ୍ତିଶାଳୀ କରିବା
ନାରୀମାନଙ୍କୁ ଆତ୍ମବଳ, ନେତୃତ୍ୱ ଓ ସଶକ୍ତିକରଣ ଦେବା ଯୁବପିଢ଼ୀଙ୍କୁ ସଂସ୍କାର ଓ ମୂଲ୍ୟଭିତ୍ତିକ ଜୀବନରେ ପ୍ରେରିତ କରିବା
ଶାନ୍ତି, ପରିବେଶ ସୁରକ୍ଷା ଓ ଆନ୍ତରିକ ଶକ୍ତିବର୍ଦ୍ଧନ ପାଇଁ ବ୍ୟାପକ ସଚେତନତା ପ୍ରସାର କରିବା
ତାଙ୍କ ପବିତ୍ର ଜୀବନ ଓ ନେତୃତ୍ୱ ଓଡିଶା ପାଇଁ ଅମର ସମ୍ପଦ ହୋଇ ରହିବ ବୋଲି ବି କେ ବରଦା ଜଣାଇଛନ୍ତି ।
ଦିଦିଜୀଙ୍କର ଶେଷକାର୍ଯ୍ୟ ୨୪ ନଭେମ୍ବର ୨୦୨୫ ତାରିଖରେ ବିଶ୍ୱ ଶାନ୍ତି ସରୋବର, ନିଆଳି, କଟକ ଠାରେ ସମ୍ପନ୍ନ ହେବ।

Related Posts