ଗଜପତି : ଶିଶୁ ଯତ୍ନ ଅନୁଷ୍ଠାନରେ ରହୁଥିବା ଶିଶୁ ମାନଙ୍କୁ ନେଇ ଜିଲାସ୍ତରୀୟ ଶିଶୁ ଉତ୍ସବ “ଉତ୍ସାହ” ଓ “ମହକ” କାର୍ଯ୍ୟକ୍ରମ ଅନୁଷ୍ଠିତ

ଗଣେଶ କୁମାର ରାଜୁଙ୍କ ରିପୋର୍ଟ
ଗଜପତି, ୧୭/୧୦ : ଗଜପତି ଜିଲ୍ଲାରେ ଥିବା ସାତ ଗୋଟି ବିଭିନ୍ନ ଶିଶୁ ଯତ୍ନ ଅନୁଷ୍ଠାନରେ ରହୁଥବା ଶିଶୁମାନଙ୍କର ଅନ୍ତର୍ନିହିତ ପ୍ରତିଭା କୁ ପରିପ୍ରକାଶ ଓ ବିକାଶ କରିବା ନିମନ୍ତେ ଜିଲ୍ଲା ପ୍ରଶାସନ ଗଜପତି ଦ୍ବାରା ଜିଲ୍ଲା ସ୍ତରୀୟ ଶିଶୁ ଉତ୍ସବ \”ଉତ୍ସାହ\” ଓ \”ମହକ\” କାର୍ଯ୍ୟକ୍ରମ ପାଳିତ ହୋଇଯାଇଛି। ।,
ଅନୁଷ୍ଠିତ ଏହି କାର୍ଯ୍ୟକ୍ରମର ପ୍ରାରମ୍ଭରେ ମୁଖ୍ୟଅତିଥି ଭାବେ ଅତିରିକ୍ତ ଜିଲ୍ଲାପାଳ (ସାଧାରଣ ) ଶ୍ରୀ ଫାଲଗୁନୀ ମାଝୀ , ଅତିରି କ୍ତ ଜିଲ୍ଲାପାଳ(ରାଜସ୍ଵ ) ଶ୍ରୀ ମୁନିଦ୍ର ହୋନଙ୍ଗା , ଶିଶୁ କଲ୍ୟାଣ ସମିତି\’ର ଅଧକ୍ଷ୍ୟ ଶ୍ରୀ ଅଶ୍ଵିନୀ କୁମାର ମହାପାତ୍ର , ପ୍ରମୁଖ ମଞ୍ଚାସିନ ଥିଲେ ।
ଅତିଥିମାନଙ୍କ ଦ୍ବାରା ପ୍ରଦୀପ ପ୍ରଜ୍ଜ୍ଵଳନ କରା ଯାଇଥିଲା ଏବଂ ପରେ ପରେ ଶିଶୁ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଆରମ୍ଭ ହୋଇଥିଲା । ଏହି ପ୍ରତିଯୋଗିତା କାର୍ଯ୍ୟକ୍ରମରେ ଗଜପତି ଜିଲ୍ଲାର ଥିବା ବିଭିନ୍ନ ଶିଶୁ ଯତ୍ନ ଅନୁଷ୍ଠାନର ପ୍ରାୟ ୧୨୦ ଜଣ ଶିଶୁ ମାନଙ୍କୁ ନେଇ ସେମାନଙ୍କ ମଧ୍ୟରେ ଲମ୍ବ-ଡିଆଁ , ଉଚ୍ଚ-ଡିଆଁ , ୧୦୦ ମିଟର ଦୌଡ ଓ ୨୦୦ ମିଟର ଦୌଡ ପ୍ରତିଯୋଗିତା ଗଜପତି ଷ୍ଟାଡିୟମ ଠାରେ ଅନୁଷ୍ଠିତ ହେବା ସହ ନୃତ୍ୟ ପରିବେଷଣ , ସଙ୍ଗୀତ-ଗାନ , ବକୃତା , ଚିତ୍ରାଙ୍କନ , ସାଧାରଣ ଜ୍ଞାନ ପରୀକ୍ଷା , ଚେସ , କ୍ୟାରୋମ , ଇତ୍ୟାଦି ପ୍ରତିଯୋଗିତା ବିଜୁ କଲ୍ୟାଣ ମଣ୍ଡପ ଠାରେ ରେ ଅନୁଷ୍ଠିତ ହୋଇଥିଲା ।
କାର୍ଯ୍ୟକ୍ରମ ଅବସରରେ ଶିଶୁମାନଙ୍କ ନିମନ୍ତେ ଜଲଖିଆ ଓ ମଧ୍ୟାନ୍ନ ଭୋଜନ ସମେତ ରାତ୍ର ଭୋଜନ ବ୍ୟବସ୍ଥା ମଧ୍ୟ କରା ଯାଇଥିଲା ।
ଉଦଯାପନୀ ଉତ୍ସବ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ (ସାଧାରଣ ) ଶ୍ରୀ ଫାଲଗୁନୀ ମାଝୀ , ଶିଶୁ କଲ୍ୟାଣ ସମିତି ଅଧକ୍ଷ୍ୟ ଶ୍ରୀ ଅଶ୍ଵିନୀ କୁମାର ମହାପାତ୍ର , ସହ ଜିଲ୍ଲାପାଳ ଶ୍ରୀ ମନୋଜ କୁମାର ପଟ୍ଟନାୟକ , ପୁଲିସ ଉପଖଣ୍ଡ ଆରକ୍ଷୀ ଅଧିକ୍ଷକ , ପାରଳାଖେମୁଣ୍ଡି , ଶ୍ରୀ ମାଧବନନ୍ଦ ନାୟକ , ଜିଲ୍ଲା ସମାଜ ମଙ୍ଗଳ କାର୍ଯ୍ୟାଳୟର ସୁରକ୍ଷ। ଅଧିକାରିଣୀ ଶ୍ରୀମତି ଶାରଳା ପ।ତ୍ର, ଓ କିଶୋର ନ୍ୟାୟ ପରିଷଦ ର ସଭ୍ୟା ଶ୍ରୀମତି ଭାଗ୍ୟଲକ୍ଷ୍ମୀ ନାୟକ ପ୍ରମୁଖ ଉପସ୍ଥିତ ଥିଲେ ।
ପ୍ରତିଯୋଗିତାରେ ଭାଗନେଇଥିବା ଶିଶୁ ମାନଙ୍କ ମଧ୍ୟରେ ଯେଉଁ ମାନେ ବିଜୟୀ ହୋଇଥିଲେ ସେମାନେ ପୁରସ୍କାର ସହ ପ୍ରମାଣ ପତ୍ର ଅତିଥି ମାନଙ୍କ ଠାରୁ ଗ୍ରହଣ କରିଥିଲେ ।
ପରିଶେଷରେ ଅନୁଷ୍ଠିତ କ୍ୟାମ୍ପ-ଫାୟାର ସମୟରେ ଶିଶୁ ମାନେ ନାଚ ଓ ଗୀତ ମାଧ୍ୟମରେ କାର୍ଯ୍ୟକ୍ରମକୁ ଉପଭୋଗ ସମ୍ପୂର୍ଣ ଭାବେ କରିଥିଲେ ।
ଏହି କାର୍ଯ୍ୟକ୍ରମ କୁ ସଫଳ କରିବାରେ ଜିଲ୍ଲା ଶିଶୁ ସୁରକ୍ଷା ୟୁନିଟ୍ ର ସମସ୍ତ କର୍ମଚାରୀ , ଚାଇଲ୍ଡ ହେଲ୍ପ ଲାଇନର ସମସ୍ତ କର୍ମୀଙ୍କ ସମେତ ଶିଶୁ ଯତ୍ନ ଅନୁଷ୍ଟାନର ସମସ୍ତ କର୍ମକର୍ତ୍ତା ଉପସ୍ଥିତ ରହି ସହଯୋଗ କରିଥିଲେ ।