ନିର୍ମାଣକୁ ଦୁଇ ବର୍ଷ ହେଲା କାର୍ଯ୍ୟକ୍ଷମ ହେଉନି ଉତ୍କଳ ବାଳାଶ୍ରମ କୋଠା-ଅସାମାଜିକ ବ୍ୟକ୍ତିଙ୍କ ପାଲିଟିଛି ଆଡ୍ଡାସ୍ଥଳି
ଗୁରୁଦୟାଲ ହଂସଙ୍କ ରିପୋର୍ଟ
କଣ୍ଟାବାଞ୍ଜି,୧୨/୧୧ : ବଲାଙ୍ଗିର ଜିଲ୍ଲା କଣ୍ଟବାଞ୍ଜିଠାରେ ଗତ ଦୁଇ ବର୍ଷ ହେଲା ଉତ୍କଳ ବାଳାଶ୍ରମର କୋଠା ନିର୍ମାଣ ସରିଛି । ଏହା କଣ୍ଟାବାଞ୍ଜି- ବଙ୍ଗୋମୁଣ୍ଡା ରାଜ୍ୟ ରାଜପଥ ନଂ.୪୨ ରାସ୍ତା ପାଶ୍ୱର୍ କେ.ଭି.କଲେଜ ସମ୍ମୁଖରେ ନିର୍ମାଣ ହୋଇଛି । କୋଟି କୋଟି ଟଙ୍କା ବ୍ୟୟରେ ଏହି ଉତ୍କଳ ବାଳାଶ୍ରମ ନିର୍ମାଣ ହୋଇ ଦୁଇ ବର୍ଷ ହୋଇ ସାରିଛି । ହେଲେ ଏହା କାର୍ଯ୍ୟକ୍ଷମ ହୋଇନାହିଁ ।
କାର୍ଯ୍ୟକ୍ଷମ ହୋଇ ନ ଥିବାରୁ କୋଠାଟି ଭୁତକୋଠି ପାଲିଟିଥିବା ବେଳେ ମୂଖ୍ୟ ରାଜରାସ୍ତାରେ ଥିବାରୁ ଅସାମାଜିକ ବ୍ୟକ୍ତିବିଶେଷଙ୍କ ଆଡ୍ଡାସ୍ଥଳି ପାଲିଟିଛି । ଦୁଇ ବର୍ଷ ହେଲା କାହିଁକି କାର୍ଯ୍ୟକ୍ଷମ ନ ହୋଇ ପଡିରହିଥିବା ନେଇ ସଂପୃକ୍ତ ଗ୍ରାମ୍ୟ ଉନ୍ନୟନ ବିଭାଜନ ମୂଖ୍ୟ ଅଧିକ୍ଷଣ ଯନ୍ତ୍ରୀ ଟିଟିଲାଗଡଙ୍କ ଫୋନ ନମ୍ବରରେ ଯୋଗା ଯୋଗ କରିବାରୁ ଫୋନ ସ୍ୱିଚ୍ ଅଫ ଥିବାରୁ କୌଣସି ମତାମତ ମିଳିପାରି ନାହିଁ ।
ହେଲେ ନିର୍ମାଣ କରିଥିବା ସଂପୃକ୍ତ ଏଜେନ୍ସି ସଂଜୟ କୁମାର ଅଗ୍ରୱାଲଙ୍କୁ ଯୋଗା ଯୋଗ କରିବାରୁ ଆମ୍ଭେ ନିର୍ମାଣ ସରିବାର ପରଠାରୁ ଜିଲ୍ଲାପାଳ, ବଲାଙ୍ଗିର, ସଂପୃକ୍ତ ଅଧିକାରୀଙ୍କୁ କୋଠା ହସ୍ତାନ୍ତର ଦେବା ପାଇଁ ବାରମ୍ବାର ଚିଠି ଲେଖି ସାରିଛୁ । ଏପରିକି ଗତ ଜୁଲାଇ ମାସ ପରଠାରୁ ତିନିଥର ହସ୍ତାନ୍ତର ଦେବା ପାଇଁ ଚିଠି ମାଧ୍ୟମରେ ଅନୁରୋଧ କରାଯାଇଥିଲେ ସୁଦ୍ଧା ନେଉ ନାହାନ୍ତି । ପୁଣି ଆମ୍ଭ ଏଜେନ୍ସି ଦ୍ୱାରା କେବଳ କୋଠା ନିର୍ମାଣ ପାଇଁ ଥିବା ଅନୁଦାନ ମୁତାବକ ଚୁକ୍ତିନାମା ଅନୁସାରେ କାର୍ଯ୍ୟ ସରିଛି । ହେଲେ ସଂପୃକ୍ତ ବିଭାଗ ଆମ୍ଭଙ୍କୁ ପାଚେରୀ ନିର୍ମାଣ ହୋଇ ନ ଥିବା ନେଇ ହସ୍ତାନ୍ତର ନେଉ ନାହାନ୍ତି । ଆମ୍ଭ ନିର୍ମାଣରେ ପାଚେରୀ ନିର୍ମାଣ ପାଇଁ କୌଣସି ଅନୁଦାନ ନ ଥିବା ନିର୍ମାଣ କାର୍ଯ୍ୟ ଏଜେନ୍ସି ନିଜର ମତ ଦେଇଛନ୍ତି ।
ଦୀର୍ଘ ଦୁଇ ବର୍ଷ ହେଲା ନିର୍ମାଣଧିନ କୋଠା ହସ୍ତାନ୍ତର ସଂପୃକ୍ତ ବିଭାଗ ନେଉ ନ ଥିବାରୁ ଯଥା ଶିଘ୍ର ହସ୍ତାନ୍ତର ନେଲେ ଅନାଥ ଛାତ୍ରୀଛାତ୍ର ମାନଙ୍କ ପାଇଁ ଉଦ୍ଧିଷ୍ଠ ଉତ୍କଳ ବାଳାଶ୍ରମ କାର୍ଯ୍ୟକ୍ଷମ ହୋଇପାରନ୍ତା ବୋଲି ବୁଦ୍ଧିଜୀବି ମହଳରେ ଆଲୋଚନା ହେଉଛି ।
