କ୍ଲଷ୍ଟର ସ୍ତରୀୟ ସେମିନାର ଅନୁଷ୍ଠିତ
କମ୍ଭୁଧର କ୍ଷେତିଙ୍କ ରିପୋର୍ଟ
ବୀରନରସିଂହପୁର, ୩/୯ : ହରଭଙ୍ଗା ବ୍ଲକ ବୀରନରସିଂହପୁରର କ୍ଲଷ୍ଟର ସ୍ତରୀୟ ସେମିନାର ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀ ଅର୍ଜୁନ କଅଁରଙ୍କ ନେତୃତ୍ୱରେ ସରକାରୀ ଉ.ପ୍ରା. ବିଦ୍ୟାଳୟ, ମଥୁରାରେ ଅନୁଷ୍ଠିତ ହୋଇଯାଇଛି ।
ଏଥିରେ କ୍ଲଷ୍ଟରର ୧୧ଟି ବିଦ୍ୟାଳୟରୁ ୧୫ ଜଣ ଶିକ୍ଷକ ଶିକ୍ଷୟତ୍ରୀ ନିଜ ନିଜ ସେମିନାର ପତ୍ର ପାଠ କରିଥିଲେ ।
“ସୁସ୍ଥ ସମାଜ ଗଠନରେ ସାମାଜିକ,ଆବେଗିିକ ଓ ନୈତିକ ଶିକ୍ଷଣର ଭୂମିକା”ପ୍ରସଙ୍ଗରେ ସମସ୍ତେ ସେମିନାରରେ ପିତାମାତା, ଶିକ୍ଷକ ଶିକ୍ଷୟତ୍ରୀଙ୍କ ଭୂମିକା ସୁସ୍ଥ ସମାଜ ଗଠନ ପାଇଁ ଅତୀବ ଗୁରୁତ୍ୱପୂର୍ଣ୍ଣ ବୋଲି ମତ ପୋଷଣ କରିଥିଲେ ।
ସମ୍ମାନୀତ ଅତିଥିରୂପେ ଜିଲ୍ଲା ଶିକ୍ଷା ଓ ଶିକ୍ଷକ ପ୍ରତିଷ୍ଠାନ ,ବୌଦ୍ଧର ଅଧ୍ୟକ୍ଷ ପୂର୍ଣ୍ଣାନନ୍ଦ ସିଂ , ଶିକ୍ଷକ ପ୍ରଶିକ୍ଷକ ଡଃ ଅଭିମନ୍ୟୁ ସେଠୀ, ମୁଖ୍ୟ ଅତିଥି ମଥୁରା ଗ୍ରାମ ପଞ୍ଚାୟତର ସରପଞ୍ଚ ପ୍ରଦୀପ କୁମାର କହଁର ସୁସ୍ଥ ସମାଜ ଗଠନ ନିମନ୍ତେ ସମସ୍ତ ଶିକ୍ଷକ ଶିକ୍ଷୟିତ୍ରୀ ନିଜ ନିଜର ସର୍ବୋତ୍ତମ ଅବଦାନ ଦେବା ଜରୁରୀ ବୋଲି ମତବ୍ୟକ୍ତ କରିଥିଲେ ।
ଶେଷରେ ସମସ୍ତ ଅଂଶଗ୍ରହଣକାରୀ ଏହି କ୍ଲଷ୍ଟର ସ୍ତରୀୟ ସେମିନାର ବାସ୍ତବରେ ଆବଶ୍ୟକୀୟ ତଥା ପ୍ରଶଂସନୀୟ ବୋଲି ମତ ପୋଷଣ କରିଥିଲେ ।




