ଭୁବନେଶ୍ୱରରେ ପହଞ୍ଚିଲେ ରାହୁଲ ଗାନ୍ଧୀ
ଭୁବନେଶ୍ୱର, ୧୧/୮ : ଭୁବନେଶ୍ୱରରେ ପହଞ୍ଚିଲେ ବିରୋଧୀ ଦଳ ନେତା ରାହୁଲ ଗାନ୍ଧୀ। ବିମାନ ବନ୍ଦରରେ ପହଞ୍ଚିବା ପରେ ସେଠାରେ ତାଙ୍କୁ ଜୋରଦାର ସ୍ୱାଗତ କରାଯାଇଛି ।
ରାହୁଲଙ୍କ ସହ ଇଓଉଉ ଅଧ୍ୟକ୍ଷ ମଲିକାର୍ଜୁନ ଖଡ୍ଗେ ବି ଆସି ପହଞ୍ଚିଛନ୍ତି । ଉଭୟେ ସେଠାରୁ ବରମୁଣ୍ଡା ପଡ଼ିଆରେ ହେବାକୁ ଥିବା ସମ୍ବିଧାନ ବଞ୍ଚାଓ ସମାବେଶରେ ସାମିଲ ହେବେ । ବିମାନବନ୍ଦରରୁ ବରମୁଣ୍ଡା ପଡ଼ିଆ ଯାଏଁ ରାହୁଲଙ୍କ ରୋଡ ସୋ କରିବେ। ମଧ୍ୟାହ୍ନ ୧୨ଟାରେ ସମ୍ବିଧାନ ବଞ୍ଚାଅ ସମାବେଶରେ ସାମିଲ ହେବେ ।
ବହୁ ଦିନ ବ୍ୟବଧାନ ପରେ ସେ ଆଜି ଭୁବନେଶ୍ୱର ଗସ୍ତରେ ଆସିଛନ୍ତି ରାହୁଲ ଗାନ୍ଧୀ । ଓଡ଼ିଶାରେ ପିସିସି ସଭାପତି ପରିବର୍ତ୍ତିତ ହେବା ପରେ ରାହୁଲ ପ୍ରଥମଥର ଆଜି ଓଡ଼ିଶା ଗସ୍ତରେ ଆସିଛନ୍ତି । ରାହୁଲଙ୍କ ଗସ୍ତ କଂଗ୍ରେସ କର୍ମୀ ଓ ନେତାଙ୍କ ମଧ୍ୟରେ ଉର୍ଜା ଭରିବ ।
ସମ୍ବିଧାନ ବଞ୍ଚାଓ ସମାବେଶ ସଭା ସରିବା ପରେ ଚାଷୀଙ୍କ ଦୁଇଟି ପ୍ରତିନିଧି ଦଳଙ୍କୁ ଭେଟିବେ। ଅପରାହ୍ନ ୩ଟାରେ କଂଗ୍ରେସ ଭବନରେ ରାଜନୈତିକ କମିଟି ସହ ବୈଠକ ପରେ ବିଧାୟକ ଓ ପିସିସି କାର୍ୟ୍ୟକର୍ତ୍ତାଙ୍କ ସହ ଆଲୋଚନା କରିବେ । ସଂଧ୍ୟା ୫ଟାରେ ଦିଲ୍ଲୀ ଫେରିଯିବେ ।
ରାହୁଲଙ୍କ ଗସ୍ତକୁ ନେଇ କଂଗ୍ରେସ ଶିବିର ଉତ୍ସାହିତ । ପରବର୍ତ୍ତୀ ରୋଡ ମ୍ୟାପ ପାଇଁ କଣ ଗୁରୁମନ୍ତ୍ର ଦେବେ ତାକୁ ଅପେକ୍ଷା। ସଭାମଞ୍ଚରୁ କେନ୍ଦ୍ର ଓ ରାଜ୍ୟ ସରକାରଙ୍କୁ କିଭଳି ଘେରିବେ , କେଉଁ ପ୍ରସଙ୍ଗକୁ ନେଇ ଉଠାଇବେ ପ୍ରଶ୍ନ, ତା ଉପରେ ରହିଛି ନଜର ।
