ଡାଇନାମୋ ଇଭି ଗ୍ରାହକଙ୍କ ପାଇଁ ଲକି ଡ୍ର’ ; ଦଶହରା ଓ ଦୀପାବଳି ଉପଲକ୍ଷେ ଡୋଏଲ କନେକ୍ଟ ୱାର୍ଲ୍ଡ ପକ୍ଷରୁ ସ୍ୱତନ୍ତ୍ର ଅଫର୍ ଘୋଷଣା, ୫ ଜଣ ଗ୍ରାହକ ପୁରସ୍କୃତ
ପ୍ରସନ୍ନ କୁମାର ପାଇକରାୟଙ୍କ ରିପୋର୍ଟ
ଖୋରଧା, ୨୮/୯: ପରିବେଶ ସୁରକ୍ଷା ସହ ଇନ୍ଧନ ସଞ୍ଚୟ ଏବଂ ଆଧୁନିକ ଯାତାୟାତ ବ୍ୟବସ୍ଥାକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଖୋରଧାରେ ବୈଦ୍ୟୁତିକ ଯାନ ବ୍ୟବହାରକୁ ନେଇ ଗ୍ରାହକଙ୍କ ମଧ୍ୟରେ ଆଗ୍ରହ ବୃଦ୍ଧି ପାଉଥିବାବେଳେ, ଏହି ଧାରାକୁ ଆହୁରି ଆଗକୁ ନେବା ପାଇଁ ଡାଇନାମୋ ଇଲେକ୍ଟ୍ରିକ୍ ଗାଡ଼ିର ଅଧିକୃତ ବିକ୍ରେତା ଡୋଏଲ କନେକ୍ଟ ୱାର୍ଲ୍ଡ ପକ୍ଷରୁ ଏକ ଆକର୍ଷଣୀୟ ଲକି ଡ୍ର’ ଅନୁଷ୍ଠିତ ହୋଇଯାଇଛି ।
ଏହି ଅବସରରେ ଶୋ’ରୁମ୍ରୁ ବୈଦ୍ୟୁତିକ ଯାନ କ୍ରୟ କରିଥିବା ଗ୍ରାହକଙ୍କ ମଧ୍ୟରୁ ୫ ଜଣ ଭାଗ୍ୟଶାଳୀ ବିଜେତାଙ୍କୁ ବିଭିନ୍ନ ଆକର୍ଷଣୀୟ ପୁରସ୍କାର ପ୍ରଦାନ କରାଯାଇଛି। ଏଥିସହ ଆଗାମୀ ଦଶହରା ଓ ଦୀପାବଳି ପର୍ବ ଉପଲକ୍ଷେ ଗ୍ରାହକଙ୍କ ପାଇଁ ସ୍ୱତନ୍ତ୍ର ଅଫର ଏବଂ ଲକି ଡ୍ର’ ବ୍ୟବସ୍ଥା ଜାରି ରହିବ ବୋଲି ସଂସ୍ଥା ପକ୍ଷରୁ ଘୋଷଣା କରାଯାଇଛି।
ଖୋରଧା ସହରର ଶ୍ରୀରାମ ନଗରସ୍ଥିତ ଡୋଏଲ୍ କନେକ୍ଟ ୱାର୍ଲ୍ଡ ଶୋ’ରୁମ୍ ପରିସରରେ ଏହି ଲକି ଡ୍ର’ କାର୍ୟ୍ୟକ୍ରମ ଅନୁଷ୍ଠିତ ହୋଇଥିଲା। ଗ୍ରାହକଙ୍କ ସହ ସମ୍ପର୍କକୁ ଅଧିକ ସୁଦୃଢ଼ କରିବା, ସେମାନଙ୍କ ଆସ୍ଥା ଓ ଆନୁଗତ୍ୟର ସ୍ୱୀକୃତି ପ୍ରଦାନ କରିବା ସହ ବୈଦ୍ୟୁତିକ ଯାନ ବ୍ୟବହାର ପ୍ରତି ଅଧିକ ଲୋକଙ୍କୁ ଆକୃଷ୍ଟ କରିବା ଏହି ପଦକ୍ଷେପର ମୁଖ୍ୟ ଉଦ୍ଦେଶ୍ୟ ଥିଲା। ଯାନ କ୍ରୟକୁ କେବଳ ଏକ ବାଣିଜ୍ୟିକ କାରବାରରେ ସୀମିତ ନ ରଖି ଗ୍ରାହକଙ୍କ ପାଇଁ ଏକ ସ୍ମରଣୀୟ ଅନୁଭୂତିରେ ପରିଣତ କରିବା ଦିଗରେ ଏହି ଲକି ଡ୍ର’ ଏକ ପ୍ରୟାସ ବୋଲି କୁହାଯାଇଛି।
କାର୍ୟ୍ୟକ୍ରମରେ ଡାଇନାମୋ ଇଭିର ରାଜ୍ୟ ମୁଖ୍ୟ ଜୀବନ କୁମାର ରାଉତରାୟ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ,ଖୋରଧା ପୌରପରିଷଦର ଅଧ୍ୟକ୍ଷା କନକଲକ୍ଷ୍ମୀ ମହାନ୍ତି ଓ ଉପାଧ୍ୟକ୍ଷ ସୌର୍ୟ୍ୟରଞ୍ଜନ ମହାନ୍ତି ସମ୍ମାନିତ ଅତିଥି ବରିଷ୍ଠ ନାଗରିକ ମଞ୍ଚର ସମ୍ପାଦକ ରାମ ଶଙ୍କର ଏବଂ ଅଲ ଓଡ଼ିଶା ଭେଟେରାନ ସୋଲଜର୍ସ ଆସୋସିଏସନ୍, ଖୋରଧାର ସମ୍ପାଦକ ରତ୍ନାକର ଗୁମାନସିଂହ ଅତିଥି ଭାବେ ଉପସ୍ଥିତ ରହିଥିଲେ। ଅତିଥିମାନଙ୍କ ଉପସ୍ଥିତିରେ ଲକି ଡ୍ର’ର ଉଠାଣ କରାଯାଇ ବିଜେତାମାନଙ୍କ ନାମ ଘୋଷଣା କରାଯାଇଥିଲା।
ଏହି ଲକି ଡ୍ର’ରେ ପ୍ରଥମ ପୁରସ୍କାର ଭାବେ ୩୨ ଇଞ୍ଚର ଏକ ଏଲ୍ଇଡି ଟେଲିଭିଜନ୍ ଜିତିଥିଲେ ସୋଭାଙ୍କର ମହାରଣା। ଦ୍ୱିତୀୟ ପୁରସ୍କାର ସ୍ୱରୂପ ଏକ ସାଇକେଲ୍ ଜିତିଥିଲେ ମହମ୍ମଦ ହୁସେନ।
ତୃତୀୟ ପୁରସ୍କାର ଭାବେ ଏକ ମିକ୍ସର୍ ଗ୍ରାଇଣ୍ଡର ଜିତିଥିଲେ ଅନୀଲ କୁମାର ଦାସ, ଚତୁର୍ଥ ପୁରସ୍କାର ଭାବେ ଏକ ଇଣ୍ଡକ୍ସନ କୁକ୍ଟପ ମହମ୍ମଦ ଜାଫର୍ ପଞ୍ଚମ ପୁରସ୍କାର ଭାବେ ଏକ ସିଲିଂ ଫ୍ୟାନ ଚିନ୍ମୟ ପରିଡ଼ାଙ୍କୁ ମିଳିଥିଲା। ଏହି ପୁରସ୍କାରଗୁଡ଼ିକ ଗ୍ରାହକଙ୍କ ମଧ୍ୟରେ ଆନନ୍ଦ ଓ ଉତ୍ସାହ ସୃଷ୍ଟି କରିଥିଲା।
ଗ୍ରାହକଙ୍କ ଏହି ଉତ୍ସାହକୁ ଆଗାମୀ ପାର୍ବଣ ଋତୁରେ ମଧ୍ୟ ଜାରି ରଖିବା ପାଇଁ ଶୋ’ରୁମ୍ର ସ୍ଵତ୍ତ୍ଵାଧିକାରୀ ଲୋକେଶ ନାୟକ ଘୋଷଣା କରିଥିଲେ। ସେ କହିଥିଲେ ଯେ, ଆଗାମୀ ଦଶହରା ଓ ଦୀପାବଳି ଅବସରରେ ଡାଇନାମୋ ଇଲେକ୍ଟ୍ରିକ୍ ଯାନ କ୍ରୟ କରୁଥିବା ଗ୍ରାହକଙ୍କ ପାଇଁ ଲକି ଡ୍ର’ ସୁବିଧା ଉପଲବ୍ଧ ରହିବ।
ଏହି ପାର୍ବଣ ଅଭିଯାନରେ ଭାଗ ନେଇ ଗ୍ରାହକମାନେ ଆକର୍ଷଣୀୟ ପୁରସ୍କାର ଜିତିବାର ସୁଯୋଗ ପାଇପାରିବେ। ଏହାଦ୍ୱାରା ପର୍ବପର୍ବାଣି ସମୟରେ ନୂତନ ଯାନ କିଣିବାକୁ ଯୋଜନା କରୁଥିବା ଗ୍ରାହକମାନେ ଅତିରିକ୍ତ ଉତ୍ସାହ ପାଇବେ ବୋଲି ଆଶା କରାଯାଉଛି।
ଦଶହରା ଓ ଦୀପାବଳି ଓଡ଼ିଶାରେ ଏକ ପ୍ରମୁଖ ପାର୍ବଣ ଋତୁ ଭାବେ ପରିଚିତ। ଏହି ସମୟରେ ନୂଆ ଯାନ, ଘରୋଇ ସାମଗ୍ରୀ ଓ ଅନ୍ୟାନ୍ୟ ଉପକରଣ କ୍ରୟ ପ୍ରତି ଗ୍ରାହକଙ୍କ ଆଗ୍ରହ ବୃଦ୍ଧି ପାଇଥାଏ।
ଏହାକୁ ଦୃଷ୍ଟିରେ ରଖି ଡୋଏଲ୍ କନେକ୍ଟ ୱାର୍ଲ୍ଡ ପକ୍ଷରୁ ଗ୍ରାହକଙ୍କ ପାଇଁ ଏହି ସ୍ୱତନ୍ତ୍ର ଲକି ଡ୍ର’ ବ୍ୟବସ୍ଥା କରାଯାଇଛି। ଏହି ଅଭିଯାନ ମାଧ୍ୟମରେ ଗ୍ରାହକମାନେ ବୈଦ୍ୟୁତିକ ଯାନର ବିଭିନ୍ନ ମଡେଲ୍, ସେଗୁଡ଼ିକର ବ୍ୟବହାରିକ ଉପଯୋଗିତା ଏବଂ ରକ୍ଷଣାବେକ୍ଷଣ ସୁବିଧା ସମ୍ପର୍କରେ ଅଧିକ ତଥ୍ୟ ପାଇପାରିବେ।
ଡୋଏଲ କନେକ୍ଟ ୱାର୍ଲ୍ଡ ପକ୍ଷରୁ ଡାଇନାମୋ ଇଭି ବ୍ରାଣ୍ଡ୍ର ବିଭିନ୍ନ ବର୍ଗର ବୈଦ୍ୟୁତିକ ଯାନ ବିକ୍ରି କରାଯାଉଛି। ଭିନ୍ନ ଭିନ୍ନ ଆବଶ୍ୟକତା ଥିବା ଗ୍ରାହକମାନେ ନିଜର ଦୈନନ୍ଦିନ ଯାତାୟାତ, ଓ ଆର୍ଥିକ ସାମର୍ଥ୍ୟ ଅନୁଯାୟୀ ଯାନ ବାଛିବାର ସୁଯୋଗ ପାଉଛନ୍ତି।
ବର୍ତ୍ତମାନ ପାରମ୍ପରିକ ପେଟ୍ରୋଲ୍ ଓ ଡିଜେଲ୍ ଚାଳିତ ଯାନର ବିକଳ୍ପ ଭାବେ ବୈଦ୍ୟୁତିକ ଯାନ ପ୍ରତି ଲୋକଙ୍କ ଆଗ୍ରହ ବୃଦ୍ଧି ପାଉଛି। ଇନ୍ଧନ ଖର୍ଚ୍ଚ ହ୍ରାସ କରିବା, ଜୀବାଶ୍ମ ଇନ୍ଧନ ଉପରେ ନିର୍ଭରଶୀଳତା କମାଇବା ଏବଂ ପରିବେଶ ଉପରେ ପାରମ୍ପରିକ ଯାନର ପ୍ରଭାବ ହ୍ରାସ କରିବା ଦିଗରେ ବୈଦ୍ୟୁତିକ ଯାନର ଭୂମିକା ରହିଛି।
ତେବେ ଯାନ କ୍ରୟ ସମୟରେ ଏହାର ଦାମ, ବ୍ୟାଟେରି କ୍ଷମତା, ଚାର୍ଜିଂ ସୁବିଧା, ଯାତ୍ରା ଦୂରତା ଓ ରକ୍ଷଣାବେକ୍ଷଣ ବ୍ୟବସ୍ଥା ଭଳି ବିଷୟକୁ ଗ୍ରାହକମାନେ ଗୁରୁତ୍ୱ ଦେଉଛନ୍ତି। ଏହି ଦିଗଗୁଡ଼ିକ ସମ୍ପର୍କରେ ଶୋ’ରୁମ୍ରୁ ଆବଶ୍ୟକ ତଥ୍ୟ ପାଇ ଗ୍ରାହକମାନେ ନିଜ ଆବଶ୍ୟକତା ଅନୁଯାୟୀ ଯାନ ଚୟନ କରିପାରିବେ।
ଯାନ ବିକ୍ରି ସହିତ ଗ୍ରାହକଙ୍କୁ ବିକ୍ରୟ ପରବର୍ତ୍ତୀ ସେବା ଯୋଗାଇଦେବା ଉପରେ ମଧ୍ୟ ଡୋଏଲ୍ କନେକ୍ଟ ୱାର୍ଲ୍ଡ ଗୁରୁତ୍ୱ ଦେଉଛି। ଶୋ’ରୁମ୍ରେ ଯାନର ନିୟମିତ ସର୍ଭିସିଂ, ମରାମତି, ବ୍ୟାଟେରି ବିକ୍ରି ଓ ପରିବର୍ତ୍ତନ, ଯନ୍ତ୍ରାଂଶ ଯୋଗାଣ ଏବଂ ବୈଷୟିକ ସହାୟତା ଭଳି ସେବା ଉପଲବ୍ଧ ରହିଛି। ବୈଦ୍ୟୁତିକ ଯାନର ଦୀର୍ଘକାଳୀନ ବ୍ୟବହାର ପାଇଁ ନିୟମିତ ରକ୍ଷଣାବେକ୍ଷଣ ଓ ଆବଶ୍ୟକ ସମୟରେ ବ୍ୟାଟେରି ସମ୍ପର୍କିତ ସେବା ଗୁରୁତ୍ୱପୂର୍ଣ୍ଣ।
ଏହି ସମସ୍ତ ସୁବିଧା ଗୋଟିଏ ସ୍ଥାନରେ ମିଳିବା ଦ୍ୱାରା ଗ୍ରାହକଙ୍କ ପାଇଁ ଯାନ ବ୍ୟବହାର ଅଧିକ ସୁବିଧାଜନକ ହୋଇପାରିବ।
ଖୋରଧା ପୌରପରିଷଦର ୧୨ ନମ୍ବର ୱାର୍ଡସ୍ଥିତ ମ୍ୟୁନିସିପାଲିଟି କଲ୍ୟାଣ ମଣ୍ଡପ ନିକଟ ଶ୍ରୀରାମ ନଗରରେ ଅବସ୍ଥିତ ଡୋଏଲ କନେକ୍ଟ ୱାର୍ଲ୍ଡ ସ୍ଥାନୀୟ ଅଞ୍ଚଳରେ ବୈଦ୍ୟୁତିକ ଯାନର ବଜାର ସମ୍ପ୍ରସାରଣ ସହ ଗ୍ରାହକଙ୍କୁ ବିଭିନ୍ନ ମଡେଲ ଓ ସେବା ଯୋଗାଇ ଦେଉଛି।
ଲକି ଡ୍ର’ ଭଳି ଗ୍ରାହକ ଅନୁକୂଳ କାର୍ଯ୍ୟକ୍ରମ ଏବଂ ପାର୍ବଣ ଅଫର ମାଧ୍ୟମରେ ଅଧିକ ଲୋକଙ୍କୁ ବୈଦ୍ୟୁତିକ ଯାନ ସମ୍ପର୍କରେ ଅବଗତ କରାଇବା ସହ ସେମାନଙ୍କୁ ଏହି ଯାନ କିଣିବା ପାଇଁ ଉତ୍ସାହିତ କରିବାକୁ ସଂସ୍ଥା ପକ୍ଷରୁ ଉଦ୍ୟମ କରାଯାଉଛି।
