ଖୋର୍ଦ୍ଧାରେ ବିଶ୍ୱ ଛାତ୍ର ଦିବସ ପାଳନ
ପ୍ରସନ୍ନ କୁମାର ପାଇକରାୟଙ୍କ ରିପୋର୍ଟ
ଖୋର୍ଦ୍ଧା, ୧୬/୧୦ : ଖୋରଧା ରାଧାବଲ୍ଲଭ ସାହିସ୍ଥ ରାଧାଗୋବିନ୍ଦ ଶେଫାଳି ସଂଗ୍ରହଶାଳାରେ ବିଶ୍ୱ ଛାତ୍ର ଦିବସ ପାଳିତ ହୋଇଯାଇଛି।
ଭାରତର ୧୧ ତମ ରାଷ୍ଟ୍ରପତି, ଛାତ୍ରବତ୍ସଳ ବୈଜ୍ଞାନିକ ଭାରତରତ୍ନ ଏ.ପି.ଜେ ଅବଦୁଲ୍ କାଲାମଙ୍କ ଜନ୍ମ ଦିନକୁ ବିଶ୍ୱ ଛାତ୍ର ଦିବସ ଭାବେ ପାଳନ କରାଯାଏ ।
କାଲାମଙ୍କ ଜୀବନ ଆଦର୍ଶ ଛାତ୍ର ମାନଙ୍କ ପାଇଁ ପ୍ରେରଣାର ଉତ୍ସ । ଦ୍ଵିତୀୟ ବିଶ୍ଵଯୁଦ୍ଧ ସମୟରେ ଚେକୋସ୍ଲୋଭିଆର ରାଜଧାନୀ ପ୍ରେଗ୍ ଠାରେ ୯ ଜଣ ସ୍ଵାଧୀନ ଚେତା ଛାତ୍ରଙ୍କୁ ୧୯୩୯ ମସିହାରେ ଫାଶୀ ଦିଆଯାଇଥିଲା ।
ସେହି ଶିକ୍ଷାର୍ଥୀମାନଙ୍କ ସ୍ମୃତିକୁ ଉଜ୍ଜୀବିତ କରି ରଖିବା ପାଇଁ ସମଗ୍ର ପୃଥିବୀରେ ବିଶ୍ୱ ଛାତ୍ର ଦିବସ ପାଳନ କରାଯାଉଅଛି। ଏହି ଅବସରରେ ଶିକ୍ଷାବିତ୍ ଗୋପାଳକୃଷ୍ଣ ଦାସଙ୍କ ସଭାପତିତ୍ୱରେ ଆୟୋଜିତ ସଭାରେ ବ୍ୟାଙ୍କ ଅଫ୍ ନ୍ୟୁୟର୍କ ର ଉପସଭାପତି ସନ୍ତୋଷ କୁମାର ସାହୁ ମୁଖ୍ୟ ଅତିଥି ,କବି ଭବାନୀ ପ୍ରସାଦ କର ମୁଖ୍ୟବକ୍ତା ଓ ଅଭିନେତା ରିଣ୍ଟୁ ଜେନା ସମ୍ମାନିତ ଅତିଥି ଭାବରେ ଯୋଗ ଦେଇ ଅବଦୁଲ କାଲାମଙ୍କ ସମ୍ପର୍କରେ ମତ ବ୍ୟକ୍ତ କରିଥିଲେ।
ଏହି ଉପଲକ୍ଷେ ପ୍ରାଣନାଥ ସ୍ୱୟଂଶାସିତ ମହାବିଦ୍ୟାଳୟ ରୋଭର ରେଞ୍ଜରମାନେ ଉପସ୍ଥିତ ରହିଥିଲେ ।
