ବୌଦ୍ଧ ବୀରନରସିଂହପୁର ରେ ଆଞ୍ଚଳିକ ସାଧନ କେନ୍ଦ୍ର ସ୍ତରୀୟ ମକ୍ ଡ୍ରିଲ

କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ, ୨୯/୮ : ବୀରନରସିଂହପୁର ଆଞ୍ଚଳିକ ସାଧନ କେନ୍ଦ୍ର ସ୍ତରୀୟ ମକ୍ ଡ୍ରିଲ ଆଜି ସରକାରୀ ଉ.ପ୍ରାଥମିକ.ବିଦ୍ୟାଳୟ,ବୀରନରସିଂହପୁରରେ ସାଧନ କେନ୍ଦ୍ର ସଂଯୋଜକ ଅର୍ଜୁନ କଅଁରଙ୍କ ଦ୍ଵାରା ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ମୋଟ ୧୧ ଗୋଟି ବିଦ୍ୟାଳୟର ୧୫ ଜଣ ଶିକ୍ଷକ ଶିକ୍ଷୟିତ୍ରୀ,୩୦ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ ।
ସାଧନ କର୍ମୀ ରୂପେ ବୌଦ୍ଧ ଜିଲ୍ଲା ରେଡକ୍ରସ ଅଫିସର ତଥା ଅଧ୍ୟାପକ ନବ କିଶୋର ଦିପ ପ୍ରାକୃତିକ ବିପର୍ଯ୍ୟୟ ପରିଚାଳନା ,ଅଗ୍ନିକାଣ୍ଡ ପରିଚାଳନା,ଜରୁରୀକାଳୀନ ସ୍ଥାନାନ୍ତରୀ କରଣ,ବ୍ୟକ୍ତିଗତ ନିରାପତ୍ତା ( ଉତ୍ତମ ସ୍ପର୍ଶ ଓ ମନ୍ଦ ସ୍ପର୍ଶ),ପ୍ରାଥମିକ ସହାୟତା ତଥା ହୃଦଘାତ ପରିଚାଳନା ବିଷୟରେ ଆବଶ୍ୟକୀୟ ବିଶଦ ସୂଚନା ଦେବାସହ ପ୍ରତ୍ୟକ୍ଷ ପରିଚାଳନାଗତ କାର୍ଯ୍ୟ ପ୍ରଦର୍ଶିତ କରିଥିଲେ ।
ଏହି କାର୍ଯ୍ୟରେ ଛାତ୍ରଛାତ୍ରୀ ତଥା ଶିକ୍ଷକ ଶିକ୍ଷୟିତ୍ରୀମାନେ ସମ୍ପୂର୍ଣ୍ଣ ସହଯୋଗ କରିଥିଲେ । ଏପରି କାର୍ଯ୍ୟକ୍ରମ ବାସ୍ତବରେ ବିଦ୍ୟାଳୟ ସ୍ତରରେ ତଥା ନିଜ ଜୀବନରେ ଅତି ଆବଶ୍ୟକୀୟ ବୋଲି ସମସ୍ତେ ମତାମତ ପ୍ରଦାନ କରିଥିଲେ ।
ଏହି କାର୍ଯ୍ୟକ୍ରମରେ ରମେଶ ଚନ୍ଦ୍ର ନାୟକ ସଭାପତିତ୍ବ କରିଥିବା ବେଳେ ଶିକ୍ଷକ ଭବାନୀ ଶଙ୍କର କଅଁର ଧନ୍ୟବାଦ ଅର୍ପଣ କରିଥିଲେ ।