ଦାଦନ ଯିବା ଛାଡି ଚାଷ କାର୍ଯ୍ୟ କଲେ ୪ ଭାଇ, କ୍ଷେତରେ ସୁନା ଫଳୁଛି; ମିଳିଛି ସଫଳତା

ଅରୁଣ କୁମାର ସାହୁଙ୍କ ରିପୋର୍ଟ
ଦାରିଙ୍ଗବାଡି, ୨୦/୯ : ଆଉ ଦାଦନ ଖଟିବୁନି କାହାରି ଗୋଲାମ ସାଜିବୁନି ନିଜ ଜମିରେ ନିଜେ ଖଟିବୁ ଆଉ ଚାଷ କାର୍ଯ୍ୟ କରି ଭଲରେ ଚଳିବୁ ଏଭଳି ନିଷ୍ପତି ନେଇଛନ୍ତି ୪ ଭାଇ ଆଉ ନିଜର ପୈତୃକ ୫ ଏକର ଜମି ରେ ଚାଷ କାର୍ଯ୍ୟ ଆରମ୍ଭ କରି ମାତ୍ର ୩ ମାସ ପରିଶ୍ରମ କରି ଏବେ ଅମଳ ଆରମ୍ଭରୁ ଚଳିତ ମାସରେ ପ୍ରାୟ ୧୫ ହଜାର ରୋଜଗାର କରିସାରିଲେଣି । ଆଉ ୨ ମାସ ମଧ୍ୟରେ ସେମାନଙ୍କ ରୋଜଗାର ଲକ୍ଷାଧିକ ଟଙ୍କା ରେ ପହଞ୍ଚିବ ବୋଲି କହିଛନ୍ତି ।
କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ କିରିକୁଟି ପଞ୍ଚାୟତ ର ମାଗଲ ନାୟକ ସେ ଓ ତାଙ୍କ ୩ ଭାଇ ମିଶି ଏବେ ବିଭିନ୍ନ ପ୍ରକାର ପନିପରିବା ଚାଷ ଆରମ୍ଭ କରିଛନ୍ତି ।
ସେମାନଙ୍କ ପନିପରିବା ଚାଷ ମଧ୍ୟରେ ରହିଛି ଭେଣ୍ଡି, ବିନ୍, କାକୁଡି, ଅଲଡୀ, ଟମାଟୋ, ବାଇଗଣ, କଞ୍ଚା ଲଙ୍କା, ଆଳୁ, ମିଠା ମକା, ବନ୍ଧା କୋବି, ବିଭିନ୍ନ ପ୍ରକାର ଶାଗ ରହିଛି ।
ଏଥି ସହ ମାଛ ଚାଷ ମଧ୍ୟ ରହିଛି ଫଳରେ ଏବେ ଚାଷ ତାଙ୍କୁ ସଫଳତା ଆଡକୁ ନେଇଥିବାରୁ ମାଗଲ ଙ୍କ ପରିବାରରେ ହସ ଫୁଟିଥିବା କହିଛନ୍ତି ।
ମାଗଲ ଙ୍କ ସହ ତାଙ୍କ ସାନ ଭାଇ ଅଶ୍ୱିନ ଲକ୍ସମନ ଏବଂ ପବିର ଏବେ ଚାଷ କାର୍ଯ୍ୟକୁ ଗୁରୁତ୍ୱ ଦେଇଛନ୍ତି । ପ୍ରକାଶ ଯେ ଦିନେ କି ୨ ଦିନ ନୁହଁ ଦୀର୍ଘ ୧୫ ବର୍ଷ ଧରି ବିଭିନ୍ନ ରାଜ୍ୟ ଓ ଶେଷ ରେ ଗୋଆ ରେ ରହି ଦାଦନ ଖଟୁଥିଲେ ୪ ଭାଇଙ୍କ ମାସିକ ୩୦ ହଜାର ରୋଜଗାର ହେଉଥିଲା ।
ଯେଉଁଥିରେ ପରିବାର ପ୍ରତିପୋଷଣ ହେବା କଷ୍ଟସାଧ୍ୟ ଥିଲା ତେବେ ୪ ଭାଇ ଓ ପରିବାର ନିଷ୍ପତି ନେଲେ ଆଉ ଦାଦନ ଖଟିବା ନାହିଁ କି ରାଜ୍ୟ ବାହାରେ ନରହି ନିଜ ଭିଟାମାଟି କୁ ଫେରିବା ସେହି ନିଷ୍ପତିକ୍ରମେ ଜୁନ ମାସ ରେ ଗାଁ କୁ ଫେରିଲେ ଉଜୁଡି ଯାଇଥିବା ଜମିକୁ ସଜାଡ଼ିଲେ ତାର ବାଡ଼ ବୁଲାଇଲେ ଓ ଚାଷ କାର୍ଯ୍ୟ ଆରମ୍ଭ କରି ପ୍ରଥମେ ବିନ୍, କାକୁଡି, ଭେଣ୍ଡି ଆଦି ଅମଳ ଓ ବିକ୍ରୀ କଲେ ଏବେ ବନ୍ଧା କୋବି, ବାଇଗଣ, ଶାଗ, ଆଳୁ ସବୁ ଚାଷ କରିଛନ୍ତି ।
ଯାହାକି ଆଗକୁ ବିକ୍ରିବଟା କରିବେ ଓ ଭଲ ରୋଜଗାର ହେବ ବୋଲି ଆଶା ରଖିଥିବା କହିଛନ୍ତି ମାଗଲଓ ତାଙ୍କ ଭାଇ ମାନେ ସେମାନେ ଏବେ ନିଜ ଚାଷ ଜମିରେ ଚାଷ କରି ବହୁତ ଖୁସି ଅନୁଭବ କରୁଥିବା କହିଛନ୍ତି ।