କଟକ ବିଜେପି ବୁଦ୍ଧିଜୀବୀ ପ୍ରକୋଷ୍ଠର ସମ୍ବିଧାନ ଗୌରବ ଅଭିଯାନ ସଚେତନତା

ବରଦା ଦାସଙ୍କ ରିପୋର୍ଟ
କଟକ ,୨୦/୧: ସମ୍ବିଧାନ ଦିବସ ନଭେମ୍ବର ୨୬ ରୁ ଜାନୁଆରୀ ୨୫ ପର୍ଯ୍ୟନ୍ତ ବିଜେପି ପକ୍ଷରୁ ସମ୍ବିଧାନ ଗୌରବ ଅଭିଯାନ ଉପଲକ୍ଷେ ସଭା କରାଯାଇ ଜନ ସଚେତନତା ସୃଷ୍ଟି କରାଯାଉଛି ।
ଏଥିପାଇଁ କଟକ ବିଜେପି ବୁଦ୍ଧିଜୀବୀ ପ୍ରକୋଷ୍ଠ ଆନୁକୁଲ୍ୟରେ ଏକ ଆଭାସୀ ଆଲୋଚନା କୁ ରାଜ୍ୟ ବିଜେପି ବୁଦ୍ଧିଜୀବୀ ପ୍ରକୋଷ୍ଠ ଆବାହକ ଶ୍ରୀ ସୁଦର୍ଶନ ନାୟକ ଉଦଘାଟନ କରି ସମ୍ବିଧାନ ଓ ସାମାଜିକ ନ୍ୟାୟ ସମ୍ପର୍କରେ କହିଥିଲେ ।
ପ୍ରଫେସର ସୂର୍ଯ୍ୟ ନାରାୟଣ ମିଶ୍ର ମୁଖ୍ୟ ବକ୍ତା ଭାବେ ଯୋଗଦେଇ କହିଲେ ସମ୍ବିଧାନ କୌଣସି ବ୍ୟକ୍ତି ବିଶେଷ ର ସ୍ବାର୍ଥ କିମ୍ବା ଦଳର କ୍ଷମତା ପାଇଁ ଉଦ୍ଦିଷ୍ଟ ନୁହେଁ।
ଏହା ସମାଜ, ଦେଶ ତଥା ରାଷ୍ଟ୍ରର ହିତ ସାଧନ ପାଇଁ ବିନିଯୋଗ ହେବା ଆବଶ୍ୟକ । ଏ ସମ୍ପର୍କରେ ଅଧିକ ଜନସଚେତନତା କରାଗଲେ ଲୋକେ ଉପକୃତ ହେବେ ।
ସଭା କୁ ସଂଯୋଜନା କରି ବରଦା ଦାସ କହିଲେ ଭାରତ ସମ୍ବିଧାନ ଆମର ଗୌରବ ଅଟେ । ଏ ସମ୍ପର୍କରେ ଆମେ ଆମ ସର୍ବ ବୃହତ୍ ଓ ସର୍ବ ଶ୍ରେଷ୍ଠ ସମ୍ବିଧାନ କୁ ଅଧ୍ୟୟନ କରିବା ଜରୁରୀ ଅଟେ ।
ଦଳିତ ଜାତି ର ସଂରକ୍ଷଣ ସୁବିଧା ଯୋଗୁଁ ସେମାନେ କେତେଦୂର ଉପକୃତ ହେଉଛନ୍ତି କି ନା ତାହା ୭୫ ବର୍ଷ ପରେ ସମୀକ୍ଷା କରାଯିବା ଉଚିତ୍। ସେ ସମର୍କରେ ଆଜି ଚିନ୍ତା କରିବାର ସମୟ ଆସିଛି। ଏ ଦିଗରେ ଅଧିକ ଜନ ସଚେତନତା କରିବାପାଇଁ ବିଜେପି ର ଏ ପଦକ୍ଷେପ ପ୍ରଶଂସନୀୟ ବୋଲି ଶ୍ରୀ ଦାସ କହିଥିଲେ ।