ତାଲା ଭାଙ୍ଗି ଦୋକାନରୁ ଏଲ୍ଜି ଟିଭି ସହ ୨୦ ହଜାର ଟଙ୍କା ଓ ଅନ୍ୟାନ୍ୟ ଆସବାବ ପତ୍ର ଲୁଟି ନେଲେ ଚୋର
ପୁଷ୍ପଲତା ପ୍ରଧାନ ଙ୍କ ରିପୋର୍ଟ
ନୂଆଗାଁ,୩/୭: ନୟାଗଡ ଜିଲ୍ଲା ନୂଆଗାଁ ବ୍ଲକ୍ ଅନ୍ତର୍ଗତ କାପ୍ତା ପଲ୍ଲୀ ଗ୍ରାମରେ ଶରତ ଚନ୍ଦ୍ର ସାହୁ ଙ୍କ ପୁତ୍ର ରତିକାନ୍ତ ସାହୁ ଦୀର୍ଘ ୨୦ ବର୍ଷ ହେବ ଏକ ଦୋକାନ ଦେଇଥିଲେ। ପ୍ରତିଦିନ ଭଳି ସକାଳୁ ଆସି ଦୋକାନ ପାଖରେ ପହଞ୍ଚି ଦେଖନ୍ତି ତ ତାଙ୍କ ଦୋକାନ ତାଲା ଭଙ୍ଗାଯିବା ସହ ଏଲ୍ ଜି ଟିଭି,୨୦ ହଜାର ଟଙ୍କା,ପେଟ୍ରୋଲ ୩୦ ଲିଟର ସହ ଆଉ କିଛି ଆସବାବ ପତ୍ର ଚୋରି ହୋଇଛି।ଏହି ଘଟଣା ସମ୍ପର୍କରେ ଦୋକାନୀ ରତିକାନ୍ତ ସାହୁ ବାହାଡ୍ ଝୋଲା ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି।ଦୋକାନୀ ଙ୍କ କହିବା ଅନୁଯାୟୀ ଏହା ପୂର୍ବରୁ ତାଙ୍କ ଦୋକାନରୁ ଦୁଇ ଥର ଚୋରି ହୋଇସାରିଛି।
ଚୋର ଙ୍କୁ ଧରାଯିବା ସହ ତାଙ୍କର କ୍ଷତିପୂରଣ ପ୍ରଦାନ କରାଯିବା ପାଇଁ ରତିକାନ୍ତ ଦାବି କରିଛନ୍ତି।
