ଏସସିବି ମେଡିକାଲରେ ବିରଳ ଅସ୍ତ୍ରୋପଚାର, ବେକରୁ ବାହାରିଲା ଏକ କେଜିର ଟ୍ୟୁମର
କଟକ, ୧୮/୩: କଟକ ଏସସିବି ମେଡିକାଲରେ ବିରଳ ଅସ୍ତ୍ରୋପଚାର । ଜଣେ ରୋଗୀଙ୍କ ବେକରୁ ଅସ୍ତ୍ରୋପଚାର ପରେ ବାହାରିଲା ଏକ କେଜିର ଟ୍ୟୁମର । ୫ ଘଣ୍ଟାର ସଫଳ ଅପରେସନ ପରେ ନୂଆ ଜୀବନ ପାଇଛନ୍ତି ରୋଗୀ । ମେଡିକାଲର ଏଣ୍ଡୋକ୍ରାଇନ ସର୍ଜରୀ ବିଭାଗର ୬ ଜଣିଆ ଡାକ୍ତରୀ ଟିମ ଏହି ଅପରେସନରେ ସାମିଲ ହୋଇଥିଲେ । ରୋଗୀ ଜଣଙ୍କ ହେଉଛନ୍ତି ସମ୍ବଲପୁର ଜିଲା ବୁର୍ଲାର ପୁଷ୍ପା ଲେହୁରା । ଦୀର୍ଘ ୧୩ ବର୍ଷ ଧରି ଟ୍ୟୁମରଟି ତାଙ୍କ ବେକରେ ଥିବାବେଳେ ଯନ୍ତ୍ରଣା ବଢିବାରୁ ବୁର୍ଲା ମେଡିକାଲରେ ଚିକିତ୍ସା କରାଇଥିଲେ । ହେଲେ ଅବସ୍ଥା ନସୁଧୁରିବାରୁ ତାଙ୍କୁ ଏସସିବି ଅଣାଯାଇଥିଲା । ତେବେ ଡାକ୍ତରୀ ଟିମର ମିଳିତ ପ୍ରୟାସରେ ଏହି ଅପରେସନ ସଫଳ ହୋଇଛି ।
