Rs 22,006 କୋଟି ଦାବି ବିପରୀତ ମାତ୍ର Rs 6.5 କୋଟି: ସୁଭାଷ ଚନ୍ଦ୍ରାଙ୍କ ଦେବାଳିଆ ମାମଲାରେ NCLT ଆଦେଶ
Subhash Chandra’s to pay Rs 6.5 crore against order means for India’s struggling insolvency mechanism
By Sukanta Kumar Mohanty
ଭୁବନେଶ୍ୱର, ଅଗଷ୍ଟ27: ଜି ଗ୍ରୁପ୍ର ପ୍ରତିଷ୍ଠାତା ସୁଭାଷ ଚନ୍ଦ୍ରାଙ୍କ ବ୍ୟକ୍ତିଗତ ଦେବାଳିଆ ପ୍ରକ୍ରିୟାରେ ଜାତୀୟ କମ୍ପାନୀ ଆଇନ ଟ୍ରିବ୍ୟୁନାଲ (NCLT) ଏକ ପୁନଃପେମେଣ୍ଟ ଯୋଜନାକୁ ଅନୁମୋଦନ କରିଛନ୍ତି। ଏହି ଯୋଜନା ଅନୁଯାୟୀ, ଋଣଦାତାମାନଙ୍କର ମୋଟ Rs 22,006.57 କୋଟି ଦାବି ବିପରୀତ ମାତ୍ର Rs 6.5 କୋଟି ପରିଶୋଧ କରାଯିବ।
ଏହାର ଅର୍ଥ ହେଉଛି, ଋଣଦାତାମାନେ ସେମାନଙ୍କ ଅନୁମୋଦିତ ଦାବିର ପ୍ରାୟ 0.03 ପ୍ରତିଶତ ହିଁ ପାଇବେ। ଅନ୍ୟପକ୍ଷରେ, ପ୍ରାୟ 99.97 ପ୍ରତିଶତ ରାଶିରେ ‘ହେୟାରକଟ୍’ ହେବ।
ଏହି ମାମଲା ସୁଭାଷ ଚନ୍ଦ୍ରାଙ୍କ ଦ୍ୱାରା ଏସେଲ୍ ଗ୍ରୁପ୍ ସହ ସମ୍ପୃକ୍ତ କମ୍ପାନୀଗୁଡ଼ିକ ନେଇଥିବା ଋଣ ପାଇଁ ଦିଆଯାଇଥିବା ବ୍ୟକ୍ତିଗତ ଗ୍ୟାରେଣ୍ଟି ସହ ଜଡିତ। ଇଣ୍ଡିଆବୁଲ୍ସ ହାଉସିଂ ଫାଇନାନ୍ସର ଆବେଦନ ପରେ 2024ରେ ତାଙ୍କ ବ୍ୟକ୍ତିଗତ ଦେବାଳିଆ ପ୍ରକ୍ରିୟା ଆରମ୍ଭ ହୋଇଥିଲା। ଏହା ଜି ଏଣ୍ଟରଟେନମେଣ୍ଟ ବିରୋଧରେ ଚାଲିଥିବା ଅଲଗା କର୍ପୋରେଟ୍ ଦେବାଳିଆ ପ୍ରକ୍ରିୟା କିମ୍ବା SEBIର ମାମଲାଠାରୁ ଭିନ୍ନ।
NCLTର ଅଗଷ୍ଟ 25 ଆଦେଶ ପୂର୍ବରୁ ଦୁଇଜଣିଆ ବେଞ୍ଚରେ ଏହି ପୁନଃପେମେଣ୍ଟ ଯୋଜନା ନେଇ ମତଭେଦ ଦେଖାଦେଇଥିଲା। ପରେ ତୃତୀୟ ସଦସ୍ୟ ନିଲେଶ ଶର୍ମାଙ୍କ ନିଷ୍ପତ୍ତି ପରେ ଯୋଜନାକୁ ଅନୁମୋଦନ ମିଳିଥିଲା।
ଋଣଦାତାମାନେ ଅତ୍ୟନ୍ତ କମ୍ ରିକଭରି, ସୁଭାଷ ଚନ୍ଦ୍ରଙ୍କ ପ୍ରକୃତ ଆର୍ଥିକ ସ୍ଥିତି ଏବଂ ସମ୍ପତ୍ତିର ଯଥେଷ୍ଟ ଯାଞ୍ଚ ହୋଇଛି କି ନାହିଁ, ତାହା ନେଇ ପ୍ରଶ୍ନ ଉଠାଇଥିଲେ। କେତେକ ଋଣଦାତା ଫୋରେନସିକ୍ ଯାଞ୍ଚର ମଧ୍ୟ ଦାବି କରିଥିଲେ।
ତେବେ ଟ୍ରିବ୍ୟୁନାଲ କହିଛନ୍ତି ଯେ, ଉପଲବ୍ଧ ଆର୍ଥିକ ତଥ୍ୟକୁ ଦୃଷ୍ଟିରେ ରଖି ଏହି ଯୋଜନା ଅନୁଯାୟୀ ମିଳୁଥିବା Rs 6.5 କୋଟି, ଦେବାଳିଆ ପ୍ରକ୍ରିୟାକୁ ନେଇ ଆହୁରି କମ୍ ରିକଭରି ହେବାର ସମ୍ଭାବନା ତୁଳନାରେ ଏକ ଭଲ ବିକଳ୍ପ ହୋଇପାରେ।
ଏହି ମାମଲା ଋଣଦାତାଙ୍କ ପାଇଁ ପ୍ରମୋଟରଙ୍କ ବ୍ୟକ୍ତିଗତ ଗ୍ୟାରେଣ୍ଟିର ବାସ୍ତବ ମୂଲ୍ୟ ନେଇ ମଧ୍ୟ ଗୁରୁତ୍ୱପୂର୍ଣ୍ଣ ପ୍ରଶ୍ନ ଉଠାଇଛି। ଏହା ସହିତ ଭାରତର ବ୍ୟକ୍ତିଗତ ଦେବାଳିଆ ବ୍ୟବସ୍ଥା କେତେ ପର୍ଯ୍ୟନ୍ତ ଋଣଦାତାଙ୍କ ସ୍ୱାର୍ଥ ସୁରକ୍ଷା କରିପାରୁଛି, ସେ ନେଇ ମଧ୍ୟ ଚର୍ଚ୍ଚା ଆରମ୍ଭ ହୋଇଛି।
