୬ ଘଣ୍ଟାର ଅପରେସନ୍ ପରେ ପଥର ମଝିରୁ ମହିଳା ଉଦ୍ଧାର, ଉଦ୍ଧାର ପରେ ସମ୍ବଲପୁର ମେଡିକାଲରେ ଭର୍ତ୍ତି
ସମ୍ବଲପୁର, ୫/୧୧: ସମ୍ବଲପୁର ଭଣ୍ଡାରୀମାଲ ଗାଁରେ ପଥର ସନ୍ଧି ବା ଗୁମ୍ପାରେ ଫସିଥିବା ମହିଳା ହେଲେ ଉଦ୍ଧାର । ସୁରକ୍ଷିତ ଭାବରେ ମହିଳାଙ୍କୁ ଉଦ୍ଧାର କରିଛି ଅଗ୍ନିଶମ ବାହିନୀ । ୬ ଘଣ୍ଟା ଧରି ଫସି ରହିବା ପରେ ମହିଳା ଉଦ୍ଧାର ହୋଇଛନ୍ତି । ମହିଳା ଜଣକ ମେଘପାଲର ମନୋଜ ମେହେରଙ୍କ ସ୍ତ୍ରୀ ସୁଜାତା ମେହେର ।
ସୂଚନାଯୋଗ୍ୟ ଯେ, ବୁଧବାର ରାହାସ ଯାତ୍ରା ଦେଖିବାକୁ ଯାଇଥିଲେ ସ୍ବାମୀ-ସ୍ତ୍ରୀ । ତେବେ ସୁଜାତା ପଥର ସନ୍ଧିରେ ପଶି ଆରପାର୍ଶ୍ବକୁ ବାହାରିବାକୁ ଚେଷ୍ଟା କରୁଥିବା ବେଳେ ଭିତରେ ଫସି ରହିଥିଲେ । ସେହି ପଥର ସନ୍ଧିର ପଥର କାଟି ଅଗ୍ନିଶମ ବାହିନୀ ମହିଳାଙ୍କୁ ଉଦ୍ଧାକ କରିଛନ୍ତି । ମହିଳାଙ୍କୁ ପ୍ରଥମେ ସଦର ମେଡିକାଲ ଓ ପରେ ଭୀମସାର ସ୍ଥାନାନ୍ତର କରାଯାଇଛି । ମହିଳାଙ୍କ ସ୍ବାସ୍ଥ୍ୟାବସ୍ଥା ଠିକ୍ ଥିବା ଜଣାପଡିଛି ।
