ଭିଜିଲାନ୍ସ ଜାଲରେ ଖଣି ବିଭାଗ ଉପ ନିର୍ଦ୍ଦେଶକ
ଭୁବନେଶ୍ୱର,୩/୩: ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଖଣି ବିଭାଗର ଅତିରିକ୍ତ ନିର୍ଦ୍ଦେଶକ ନିର୍ଦ୍ଦେଶକ ଉମେଶ ଚନ୍ଦ୍ର ଜେନାଙ୍କ ଘରେ ଭିଜିଲାନ୍ସ ଚଢ଼ଉ ଚାଲିଛି। ଏହାଛଡ଼ା କେନ୍ଦୁଝରର ୭ଟି ଓ ଭୁବନେଶ୍ୱରର ୫ଟି ସ୍ଥାନରେ ଏକକାଳୀନ ଚଢ଼ାଉ କରାଯାଉଛି।
ଭୁବନେଶ୍ୱରର ସ୍ୱତନ୍ତ୍ର ଭିଜିଲାନ୍ସ ବିଚାରପତିଙ୍କ ଦ୍ୱାରା ଜାରି ଆଦେଶ ବଳରେ ୧୦ଜଣ ଡିଏସପି, ୭ଇନ୍ସପେକ୍ଟର ଏବଂ ଅନ୍ୟ କର୍ମଚାରୀଙ୍କ ନେତୃତ୍ୱରେ ଓଡ଼ିଶା ଭିଜିଲାନ୍ସ ଦ୍ୱାରା ଏକକାଳୀନ ଚଢ଼ଉ କରାଯାଉଛି।
ଭୁବନେଶ୍ୱରରେ ତାଙ୍କର ପାଞ୍ଚଟି ସ୍ଥାନ, କେନ୍ଦୁଝରର ସିରିସପାଲିରେ ଥିବା ପୈତୃକ ଘର, ଘଷିପୁରାର ଗହ୍ମାରିଆରେ ଥିବା ଦୁଇମହଲା କୋଠା ଏବଂ ଜିଲ୍ଲାର ଅନ୍ୟ ୫ଟି ଜାଗାରେ ଏହି ଚଢ଼ଉ ଜାରି ରହିଛି। ଏନେଇ ଅଧିକ ତଥ୍ୟକୁ ଅପେକ୍ଷା କରାଯାଇଛି।
