ବୌଦ୍ଧ ନିର୍ବାଚନ ମଣ୍ଡଳୀର ବିଭିନ୍ନ ଭୋଟଦାନ କେନ୍ଦ୍ର ପରିଦର୍ଶନ କଲେ ଅତିରିକ୍ତ ଜିଲ୍ଲାପାଳ ଓ ଉପ –ଜିଲ୍ଲାପାଳ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ, ୨୦/୭ : ଶନିବାର ଦିନ ଅପରାହ୍ନ ରେ ବୌଦ୍ଧ ନିର୍ବାଚନ ମଣ୍ଡଳୀର ବିଭିନ୍ନ ବୁଥ ଗୁଡିକ ପରିଦର୍ଶନ କରିଛନ୍ତି ଅତିରିକ୍ତ ଜିଲ୍ଲା ନିର୍ବାଚନ ଅଧିକାରୀ ତଥା ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପଧାନ ଏବଂ ବୌଦ୍ଧ ନିର୍ବାଚନ ମଣ୍ଡଳୀର ରିଟନିଂ ଅଫସର ପ୍ରବୀଣ କୁମାର ବାଣୁଆ ।
ଓଡିଶା ମୁଖ୍ୟ ନିର୍ବାଚନ ଅଧିକାରୀଙ୍କ ପତ୍ର ସଂଖ୍ୟା ୩୬୪୬ ତା.୧୯.୦୭.୨୦୨୫ ଅନୁଯାୟୀ ବୁଥ ମାନଙ୍କରେ ସ୍ବତନ୍ତ୍ର ଗହନ ସଂଶୋଧନ ନିମନ୍ତେ ପ୍ରାକ ସଂଶୋଧନ କାର୍ଯ୍ୟକ୍ରମ ଏବଂ ଭୋଟଦାନ କେନ୍ଦ୍ର ଗୁଡିକର ସୁ ବ୍ୟବସ୍ଥିକରଣ ପାଇଁ ବୌଦ୍ଧ ର ବିଭିନ୍ନ ପୋଲିଙ୍ଗ ଷ୍ଟେସନ କୁ ପରିଦର୍ଶନ କରିଛନ୍ତି ।
ବୌଦ୍ଧ ଏନ ଏ ସି ଅନ୍ତର୍ଗତ ମାଳୀସାହି, ବାପୁଜୀ ନଗର,ମାଉଲସିଂଘା, ହରଭଙ୍ଗା ବ୍ଲକ ଅନ୍ତର୍ଗତ ରଇଠାଣୀ,ଲଣ୍ଡିବନ୍ଧ, ବଡ ବାଗବର ଏବଂ ବୌଦ୍ଧ ବ୍ଲକ ଅନ୍ତର୍ଗତ ଟୁଟୁସିଙ୍ଗା ବୁଥ ପରିଦର୍ଶନ କରିଛନ୍ତି ।
୧୨୦୦ ରୁ ଅଧିକ ଭୋଟଦାତା ଥିବା ଭୋଟଦାନ କେନ୍ଦ୍ର ର ସୁ ବ୍ୟବସ୍ଥିକରଣ କାମ ଆରମ୍ଭ ହୋଇଯାଇଛି କ୍ଷ ଏହା ପର୍ୟ୍ୟାୟ କ୍ରମେ ସମସ୍ତ ସ୍ଥାନ ରେ କରାଯିବ ।
