ବୌଦ୍ଧ ଜିଲ୍ଲା ରେ ଜାତୀୟ ପରିସଂଖ୍ୟାନ ଦିବସ ପାଳନ

କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ, ୩୦/୬ : ବୌଦ୍ଧ ଡି. ପି .ଏମ୍. ୟୁ (ପରିସଂଖ୍ୟାନ ଶାଖା) ର ୧୯ ତମ ଜାତୀୟ ପରିସଂଖ୍ୟାନ ଦିବସ ପଞ୍ଚାୟତ ସମିତି ସମ୍ମିଳନୀ କକ୍ଷରେ ପାଳିତ ହୋଇଯାଇଅଛି।
ଉକ୍ତ ଦିବସକୁ ଶ୍ରୀ ଅନିରୁଦ୍ଧ ପ୍ରଧାନ, ଅତିରିକ୍ତ ଜିଲ୍ଲାପାଳ, ବୌଦ୍ଧ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ ଓ ଦେଶ ଗଢିବାରେ ପରିସଂଖ୍ୟାନ ର ମହତ୍ତ୍ଵ ଆଲୋକପାତ କରିଥିଲେ ଏବଂ ଡା. ସାନନ୍ଦ କୁମାର ଝାଙ୍କର୍, ଅଧ୍ୟାପକ ପରିସଂଖ୍ୟାନ ଓ ଶ୍ରୀ ଆଶୁତୋଷ ପ୍ରଧାନ, ଅଧ୍ୟାପକ ଅର୍ଥନୀତି ମୁଖ୍ୟ ବକ୍ତା ଭାବେ ଯୋଗଦେଇ ପରିସଂଖ୍ୟାନ ଓ ଅର୍ଥନୀତି ବିଷୟରେ ସବିଶେଷ ତଥ୍ୟ ପ୍ରଦାନ କରିଥିଲେ।
ଜିଲ୍ଲା ପ୍ରଶାସନ ତରଫରୁ ପଞ୍ଚାୟତ ବିଭାଗର ଉପବିଭାଗୀୟ ଅଧିକାରୀ ଶ୍ରୀ ମାନସ ରଞ୍ଜନ ସେଠୀ,ଶ୍ରୀ ନିରଞ୍ଜନ ପାଢ଼ୀ ଓ ସମସ୍ତ ପରିସଂଖ୍ୟାନ କର୍ମଚାରୀ ଯୋଗଦେଇଥିଲେ।
ଉକ୍ତ ଦିବସକୁ ଶ୍ରୀ ସନ୍ତୋଷ କୁମାର ବେହେରା, ସହକାରୀ ପରିସଂଖ୍ୟାନ ଅଧିକାରୀ ଓ ଶ୍ରୀ ମୃତ୍ୟୁଞ୍ଜୟ ଷଡ଼ଙ୍ଗୀ, ବରିଷ୍ଠ ସହାୟକ ପରିଚାଳନା କରିଥିଲେ ।