ବୌଦ୍ଧ : କମିରା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଜିଲ୍ଲା ସ୍ତରୀୟ ପ୍ରବେଶ ଉତ୍ସବ ଓ ଖଡ଼ି ଛୁଆଁ, ୨୦୨୫ ଅନୁଷ୍ଠିତ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ, ୨/୪ : (ବୁଧବାର ) ଦିନ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, କମିରା ଠାରେ ଜିଲ୍ଲା ସ୍ତରୀୟ ପ୍ରବେଶ ଉତ୍ସବ ଓ ଖଡ଼ି ଛୁଆଁ, ୨୦୨୫ ଅନୁଷ୍ଠିତ ହୋଇ ଯାଇଛି ।
ବୌଦ୍ଧ ବ୍ଲକ୍ ମୁଣ୍ଡାପଡା ଗ୍ରାମ ପଞ୍ଚାୟତର କମିରା ଉଚ୍ଚ ପ୍ରାଥମିକ ବିଦ୍ୟାଳୟରେ ଜିଲ୍ଲାସ୍ତରୀୟ ପ୍ରବେଶ ଉତ୍ସବ ଓ ଖଡ଼ି ଛୁଆଁ ଉତ୍ସବ ଅନୁଷ୍ଠିତ ହୋଇ ଯାଇଛି କ୍ଷ ଉକ୍ତ କାର୍ଯ୍ୟକ୍ରମରେ ଜିଲ୍ଲାପାଳ ସୁବ୍ରତ କୁମାର ପଣ୍ଡା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ ।
ସକାଳ ୭ ଘଣ୍ଟା ସମୟରେ ଶିଶୁ ବାଟିକା ଓ ପ୍ରଥମ ଶ୍ରେଣୀର ଶିଶୁଙ୍କୁ ଫୁଲ ଚନ୍ଦନ ଲଗାଇ ପ୍ରବେଶ ଉତ୍ସବର ଶୁଭାରମ୍ଭ କରା ଯାଇଥିଲା କ୍ଷ ଉକ୍ତ ଅବସରରେ ଏକ ସଭା ଏବଂ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ କରାଯାଇ ଶିଶୁ ବାଟିକା ଓ ପ୍ରଥମ ଶ୍ରେଣୀ ଛାତ୍ର ଛାତ୍ରୀଙ୍କୁ ଅତିଥି ମାନେ ପୁସ୍ତକ ଓ କିଟ୍ ବଣ୍ଟନ କରିଥିଲେ ।
ଏଥି ସହିତ ସମ୍ବର୍ଦ୍ଧନା ଉତ୍ସବ ଏବଂ ଅଭିଭାବକ ମାନଙ୍କ ଶପଥ ପାଠ ଉତ୍ସବ ଅନୁଷ୍ଠିତ ହୋଇଥିଲା । ପରେ ପରେ ଶ୍ରେଣୀ ଗୃହରେ ଶିଶୁ ମାନଂକ ପ୍ରବେଶ ଉତ୍ସବ ଓ ଖଡି ଛୁଆଁ ପର୍ବ ଅନୁଷ୍ଠିତ ହୋଇଥିଲା ।
କାର୍ଯ୍ୟକ୍ରମରେ ଜିଲ୍ଲା ଶିକ୍ଷା ଅଧିକାରୀ ଟେମଲାଲ ଦୁବେ ଅଧ୍ୟକ୍ଷତା କରିଥିବା ବେଳେ
ପ୍ରଧାନ ଶିକ୍ଷକ ସୁଶାନ୍ତ କୁମାର ମହାପାତ୍ର ସଭା ସଂଯୋଜନା କରି ଅତିଥି ପରିଚୟ ପ୍ରଦାନ କରିଥିଲେ ।
ପ୍ରାରମ୍ଭରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଘନଶ୍ୟାମ ମେହେର ସ୍ବାଗତ ଭାଷଣ ପ୍ରଦାନ କରିଥିବା ବେଳେ ପ୍ରବେଶ ଉତ୍ସବ ଓ ଖଡ଼ି ଛୁଆଁ ଉତ୍ସବର ଉଦ୍ଦେଶ୍ୟ ଜ୍ଞାପନ କରିଥିଲେ ।
କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ପ୍ରଭାସ ଚନ୍ଦ୍ର ଦଣ୍ଡସନା, ଉପ -ଜିଲ୍ଲାପାଳ ପ୍ରବୀଣ କୁମାର ବାଣୁଆ, କନ୍ଧମାଳ ସାଂସଦଙ୍କ ପ୍ରତିନିଧି ଯୁଗଳ କିଶୋର ସାମଲ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଳିୟାର ସିଂହ , ଜିଲ୍ଲା ସଂସ୍କୃତି ଅଧିକାରୀ ଅକୃର ଜାନୀ, ଜିଲ୍ଲା ସମାଜ ମଂଗଳ ଅଧିକାରୀ ଗୋପାଳ ଚରଣ ମଲ୍ଲିକ, ସରପଞ୍ଚ ସୁମନ୍ତ କୁମାର ନାଏକ ଯୋଗ ଦେଇ ଶିଶୁ ମାନଙ୍କ ଗୁଣାତ୍ମକ ଶିକ୍ଷା, ଅନ୍ତର୍ନିହିତ ଗୁଣାବଳୀ ର ବିକାଶ,ଆତ୍ମ ଶକ୍ତି କୁ ଉଦଯିବିତ କରିବ, ପ୍ରଜ୍ଞା କୁ ଉଦ୍ଜୀବିତ କରିବା , ଗ୍ରାମକୁ ଶିକ୍ଷାଭିମୁକ୍ଷୀ କରିବା, ଶିକ୍ଷକ ମାନଙ୍କ ଦାୟିତ୍ୱବୋଧ ଓ କର୍ତ୍ତବ୍ୟ, ମାତୃଶକ୍ତି କୁ ଜାଗ୍ରତ କରାଇବା, ଜାତୀୟ ଶିକ୍ଷାନୀତି ରେ ଶିଶୁ ବାଟିକା କୁ ସାମିଲ କରିବା ଏକ ସ୍ୱାଗତ ଯୋଗ୍ୟ ପଦକ୍ଷେପ ବୋଲି ଅତିଥି ମାନେ ମତବ୍ୟକ୍ତ କରିଥିଲେ । ପରେ ଜିଲ୍ଲାପାଳ ଓ ଅନ୍ୟାନ୍ୟ ଅତିଥି ମାନଙ୍କ ଦ୍ବାରା ୩ ଗୋଟି ଶିକ୍ଷା ସଚେତନତା ରଥର ଶୁଭ ଉଦଘାଟନ ଓ ଶୁଭାରମ୍ଭ କରା ଯାଇଥିଲା । ଏହି ରଥ ତିନୋଟି ବୌଦ୍ଧ ଜ଼ିଲ୍ଲା ସାରା ବୁଲି ଲୋକଙ୍କୁ ସଚେତନ କରାଇବ
