ବାରବାଟୀ ମ୍ୟାଚ୍ ପାଇଁ ଓଡ଼ିଶା ଆସିବେ ବିସିସି ସଭାପତି ସୌରଭ ଗାଙ୍ଗୁଲି
ଭୁବନେଶ୍ୱର,୧୦/୬: ଆଉ ଦିନକ ପରେ ଅନୁଷ୍ଟିତ ହେବ ବାରବାଟି ଷ୍ଟାଡିୟମରେ ଭାରତ-ଆଫ୍ରିକା ୨ୟ ଟି-୨୦ ମ୍ୟାଚ୍ । ଏହି ମ୍ୟାଚ୍ ଦେଖିବାକୁ ବିସିସି ସଭାପତି ସୌରଭ ଗାଙ୍ଗୁଲି କଟକ ବାରବାଟୀ ଷ୍ଟାଡିୟମ ଆସିବେ । ଆସନ୍ତା ୧୨ରେ ଗାଙ୍ଗୁଲି ବାରବାଟୀ ଆସିବା ନେଇ ଓସିଏ ପକ୍ଷରୁ ସୂଚନା ଦିଆଯାଇଛି । ୧୨ରେ ବାରବାଟୀରେ ଭାରତ-ଦ.ଆଫ୍ରିକା ୨ୟ ଟି-ଟ୍ୱେଣ୍ଟି ମ୍ୟାଚ୍ ଖେଳାଯିବ । ଏଥିପାଇଁ ଦୁଇ ଦଳର ଖେଳାଳିମାନେ ଭୁବନେଶ୍ୱରରେ ପହଞ୍ଚି ସାରିଛନ୍ତି ।
ଭୁବନେଶ୍ୱର ଏୟାରପୋର୍ଟରେ ପହଞ୍ଚିବା ପରେ ସ୍ୱତନ୍ତ୍ର ବସ୍ରେ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଖେଳାଳିମାନେ ହୋଟେଲ୍ ମେ’ ଫେୟାର ଯାଇଥିଲେ । ସେଠାରେ ପାରମ୍ପରିକ ବାଜା ଓ ଘୋଡ଼ା ନାଚରେ ଖେଳାଳିଙ୍କୁ ଭବ୍ୟ ସ୍ୱାଗତ କରାଯାଇଥିଲା । ନିଜ ମନ ପସନ୍ଦର ଖେଳାଳିଙ୍କୁ ଅତି ପାଖରୁ ଦେଖି ଫ୍ୟାନ୍ସଙ୍କ ଖୁସି କହିଲେ ନସରେ ।
ହୋଟେଲ୍ରେ ପହଞ୍ଚିବା ପରେ ଖେଳାଳିଙ୍କୁ ସ୍ୱତନ୍ତ୍ର ମିଠା ଓ କେକ୍ ପରାଷା ଯାଇଥିଲା କରାଯାଇଥିଲା । ଲୋ-କ୍ୟାଲୋରୀ ଥିବା ମିଠାକୁ ଖେଳାଳିଙ୍କୁ ଦିଆଯାଇଥିଲା। ଏହାପରେ ସ୍ୱାସ୍ଥ୍ୟକର ଡ୍ରିଙ୍କସ୍, ଜୁସ୍, ସୁପ୍ ଇତ୍ୟାଦିର ବ୍ୟବସ୍ଥା ହୋଇଥିଲା। ସକାଳ ବ୍ରେକ୍ଫାଷ୍ଟ୍ଠୁ ଆରମ୍ଭ କରି ରାତିର ଡିନ୍ର ଯାଏ ସବୁ ଖାଦ୍ୟ ଉପରେ ବିଶେଷ ଧ୍ୟାନ ରଖାଯାଇଛି।
