ବନ ବିଭାଗ ଡେପୁଟି ରେଞ୍ଜରଙ୍କ ଘରେ ଭିଜିଲାନ୍ସ ରେଡ୍, ଭୁବନେଶ୍ୱର ସମେତ ୬ଟି ସ୍ଥାନରେ ଚଢାଉ
କୋରାପୁଟ,୨୫/୭ : ଜୟପୁର ଫରେଷ୍ଟ ରେଞ୍ଜର ଡେପୁଟି ରେଞ୍ଜର ଓ ଚାର୍ଜ ରେଞ୍ଜର ରାମଚନ୍ଦ୍ର ନାୟକଙ୍କ ବିରୁଦ୍ଧରେ ଆୟବହିର୍ଭୂତ ସମ୍ପତ୍ତି ଧରିବାର ଗମ୍ଭୀର ଅଭିଯୋଗ ଉପରେ ଓଡ଼ିଶା ଭିଜିଲାନ୍ସ ଆଜି ବଡ଼ ପଦକ୍ଷେପ ନେଇଛି।
ସକାଳ ୯:୪୧ରୁ ଜୟପୁର ଓ ଭୁବନେଶ୍ୱରର ୬ଟି ସ୍ଥାନରେ ଏକସଙ୍ଗେ ଘର ଚଢ଼ାଉ ଚାଲିଛି। ଏହି ରେଡ଼ରେ ଏପର୍ଯ୍ୟନ୍ତ ୩.୫ ଲକ୍ଷ ଟଙ୍କା ନଗଦ ଜବତ କରାଯାଇଛି।
ଓଡ଼ିଶା ଭିଜିଲାନ୍ସ ଦଳ, ଯେଉଁଥିରେ ୬ ଡିଏସପି, ୫ ଇନ୍ସପେକ୍ଟର, ୯ ଏଏସଆଇ ଓ ଅନ୍ୟାନ୍ୟ ସମର୍ଥନ କର୍ମଚାରୀ ଅଛନ୍ତି, ଜୟପୁର ବିଶେଷ ଜଜଙ୍କ ଦ୍ୱାରା ଜାରି ସର୍ଚ୍ଚ ଓ୍ଵାରଣ୍ଟ ଆଧାରରେ ଏହି କାର୍ଯ୍ୟ ଆରମ୍ଭ କରିଛନ୍ତି। ଚଢ଼ାଉ କାର୍ଯ୍ୟ ଚାଲିଥିବାରୁ ଅଧିକ ସୂଚନା ପରେ ମିଳିବ ବୋଲି ଜଣାପଡିଛି।
