ପ୍ରେମିକାଙ୍କୁ ବ୍ଲାକମେଲ କରି ବନ୍ଧାହେଲା ପ୍ରେମିକ
ଭୁବନେଶ୍ୱର ୩୦/ ୪ : ମହଙ୍ଗା ପଡିଲା ଅତି ଚାଲାକ । ପ୍ରେମିକାଙ୍କୁ ବ୍ଲାକମେଲ କରି ବନ୍ଧାହେଲା ପ୍ରେମିକ । ଭୁବନେଶ୍ୱର ନୟାପଲ୍ଲୀ ଥାନା ପୋଲିସ ପ୍ରେମିକକୁ ଗିରଫ କରିଛି ।
ଖବର ଅନୁଯାୟୀ, ନୟାପଲ୍ଲୀ ଥାନା ଅଞ୍ଚଳରେ ଜଣେ ନାବାଳିକାଙ୍କୁ ପ୍ରେମ ଜାଲରେ ଫସାଇଥିଲେ ଭୁବନ ଅଞ୍ଚଳର ଆଶିଷ ଜେନା । ଆଶିଷ ନାବାଳିକା ସହିତ ହ୍ୱାଟସଆପରେ କଥା ହୋଇ କିଛି ଅନୈତିକ ଭିଡିଓ ରଖି ବ୍ଲାକମେଲ କରିବା ଆରମ୍ଭ କରିଥିଲେ ।
ଭିଡିଓଟି ଫେରି ପାଇବା ପାଇଁ ନାବାଳିକା ଆଶିଷଙ୍କୁ ଦେଢ଼ଲକ୍ଷ ଟଙ୍କା ସହିତ ଘରେ ଥିବା ସୁନା ଗହଣା ଦେଇଥିଲେ । ତଥାପି ଆଶିଷ ସେହି ଭିଡିଓକୁ ଡିଲିଟ ନକରିବାରୁ ପରିବାର ଲୋକଙ୍କୁ ଜଣାଇଥିଲେ ନାବାଳିକା । ଘଟଣା ସମ୍ପର୍କରେ ନୟାପଲ୍ଲୀ ପୋଲିସ ଆଶିଷଙ୍କୁ ଗିରଫ କରି ତାଙ୍କ ନିକଟରୁ ସୁନା ଗହଣା ଉଦ୍ଧାର କରିଛନ୍ତି । ହେଲେ ତାଙ୍କ ନିକଟରୁ କୌଣସି ଟଙ୍କା ଜବତ ହୋଇପାରିନାହିଁ ।
