ନୟାଗଡ଼ ଟାଉନ ଥାନା ପୋଲିସ କୁ ବଡ଼ ସଫଳତା: ଚୋରା ବୋଲେରୋ ଗାଡ଼ି ଗାଡି ଜବତ, ଜଣେ ଗିରଫ
କିଶୋର ମହାପାତ୍ର ଙ୍କ ରିପୋର୍ଟ
ନୟାଗଡ଼,୨୩/୭: ନୟାଗଡ଼ ଟାଉନ ଥାନା ପୋଲିସ କୁ ମିଳିଛି ସଫଳତା । ଗତ ଜୁଲାଇ୧୦ ତାରିଖ ରେ ନୟାଗଡ ଟାଉନ ଥାନା ଅନ୍ତର୍ଗତ ଶାସ୍ତ୍ରୀ ନଗର ଠାରୁ ଏକ ବୋଲେରୋ ଗାଡ଼ି ନମ୍ବର (ଓଡି ୨୧ ୪୫୧୦) ଚୋରି ହୋଇଥିଲା । ଟାଉନ ଥାନା ଆଇଆଇସି ଜୟଦିପ ମହାନ୍ତି ଙ୍କ ତତ୍ପରତା କ୍ରମେ ଏସ୍ଆଇ ଧର୍ମେନ୍ଦ୍ର ଶିଆଳ ଏବଂ ଏସ ଆଇ ସ୍ମୃତି ରଞ୍ଜନ ମହାନ୍ତି ଚୋରି ଗାଡି କୁ ଉଦ୍ଧାର କରିବା ପାଇଁ ଜାଲ ବିଛାଇଥିଲେ। ବୋଲେରୋ ଗାଡିଟି ନମ୍ବର ବଦଳାଇ ( ଓଡି ୨୧ ୫୪୦୦) ଚଳାଚଳ କରୁଥିବା ର ବିଶେଷ ସୁତ୍ରରୁ ଖବର ପାଇ ଏସ୍ଡିପିଓ ନିରଞ୍ଜନ ପାଢୀ ଙ୍କ ନେତୃତ୍ବରେ ଟାଉନ ଥାନା ପୋଲିସ ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକ କେନ୍ଦୁପଲୀ ଠାରେ ଚଢାଉ କରିଥିଲେ ।
ଗାଡିଟି କୁ ସେଠାରୁ ଜବତ କରିବା ସହ ଏସ.କେ କାଶୀମ ଙ୍କ ପୁଅ ଏସ.କେ. ଆଲାମ ଅଲ୍ଲୀ କୁ ଗିରଫ କରି କୋର୍ଟ ଚାଲାଣ କରିଛି । ଟାଉନ ଥାନାରେ ୧୦୯/୨୦ ରେ ଏକ ମାମଲା ରୁଜୁ କରି ୟୁ/ଏସ ୩୭୯ ଅଧିକ ତଦନ୍ତ ଚାଲୁ ରହିଛି । ଟାଉନ ଥାନା ପକ୍ଷରୁ ତତ୍ପରତା ର ପ୍ରକାଶ ପାଇ ଆସାମୀକୁ ତୁରନ୍ତ ଧରିବାରେ ସଫଳ ହୋଇଥିବା ରୁ ସାଧାରଣ ରେ ପୋଲିସ ପ୍ରତି ପ୍ରଶଂସା ପ୍ରକାଶ ପାଇଛି।
