ଟାଉନ ହଲଠାରୁ ସଡକ ଦୁର୍ଘଟଣାରେ ଶୁନ୍ ମୃତାହତ ପକ୍ଷ ଅବସରରେ ସଚେତନତା ପଦଯାତ୍ରା

କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ , ୨୮/୧୧ : (ଶୁକ୍ରବାର )ସକାଳ ୯ ଘଟିକା ସମୟରେ ବୌଦ୍ଧ ଟାଉନ ହଲ ଠାରୁ ସଡକ ଦୁର୍ଘଟଣା କ୍ଷେତ୍ରରେ ଶୁନ୍ ମୃତାହତ ପକ୍ଷ ପାଳନ ଅବସରରେ ଏକ ପଦଯାତ୍ରାର ଶୁଭାରମ୍ଭ ହୋଇ ଯାଇଛି ।
ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ଆୟୋଜିତ ଉକ୍ତ କାର୍ଯ୍ୟକ୍ରମରେ ଜିଲ୍ଲାପାଳ ବିଭୁତି ଭୁଷଣ ନାୟକ ମୁଖ୍ୟ ଅତିଥି ଭାବେ ଯୋଗ ଦେଇ ସବୁଜ ପତାକା ଦେଖାଇ ପଦଯାତ୍ରାର ଶୁଭାରମ୍ଭ କରିଥିଲେ ।
ଅନ୍ୟ ମାନଙ୍କ ମଧ୍ୟରେ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ପ୍ରଭାସ ଚନ୍ଦ୍ର ଦଣ୍ଡସନା, ଆଞ୍ଚଳିକ ପରିବହନ ଅଧିକାରୀ ସୁଷମା ସାହୁ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଲିୟାର ସିଂହ, ବୌଦ୍ଧ ଆଇ.ଆଇ.ସି ନଳିନୀ କାନ୍ତ ଦାସ, ଜୁନିଅର ଏମଭିଆଇ ସଞ୍ଜୟ କୁମାର ବେହେରା, ଯୁବ ରେଡକ୍ରସ ପ୍ରଶିକ୍ଷକ ଡ଼. ପ୍ରବୀର କୁମାର ଦାସ, ଅଶୋକ କୁମାର ପାଣ୍ଡିଆଙ୍କ ସମେତ ଆଞ୍ଚଳିକ ପରିବହନ କାର୍ଯ୍ୟାଳୟର ସମସ୍ତ କର୍ମଚାରୀ ଉପସ୍ଥିତ ଥିଲେ ।
ବୌଦ୍ଧ ପଞ୍ଚାୟତ କଲେଜ ଓ କେନ୍ଦ୍ରୀୟ ବିଦ୍ୟାଳୟର ଛାତ୍ର ଛାତ୍ରୀ, ଟ୍ରକ ମାଲିକ ସଂଘ ର ସଭାପତି, ଶିବ ମିଶ୍ର ଓ ବସ ମାଲିକ ସଂଘର ସଦସ୍ୟ ମାନେ ପଦଯାତ୍ରାରେ ସାମିଲ୍ ହୋଇଥିଲେ ।
ପଦଯାତ୍ରା ଗାନ୍ଧୀ ଛକ, ବାଘ ଗୁଡ଼ା ଛକ, ପୁରୁଣା ବ୍ଲକ ଛକ, ବ୍ରିଜ ଛକ ଦେଇ ଆଞ୍ଚଳିକ ପରିବହନ କାର୍ଯ୍ୟାଳୟ ରେ ପହଂଚି ଥିଲା ।
ଏହି ଶୋଭା ଯାତ୍ରା ରେ ଏକ ସଚେତନତା ରଥ ସାମିଲ ହୋଇ ଏଥିରେ ମାଇକ ମାଧ୍ୟମରେ ସଡ଼କ ଦୁର୍ଘଟଣା ଜନିତ ମୃତାହତ କୁ ରୋକିବା ପାଇଁ ବିଭିନ୍ନ ସ୍ଳୋଗାନ ମାଧ୍ୟମରେ ପ୍ରଚାର କରଯାଇଥିଲା।
ଏହି ପକ୍ଷ ୧୬ ନଭେମ୍ବର ରୁ ୩୦ ନଭେମ୍ବର ପର୍ଯ୍ୟନ୍ତ ପାଳନ କରା ଯାଇ ଜିଲ୍ଲାରେ ବିଭିନ୍ନ କାର୍ଯ୍ୟକ୍ରମ କରାଯିବା ସହ ଆଜି ବୌଦ୍ଧରେ ପଦଯାତ୍ରା ଆୟୋଜିତ ହୋଇଥିଲା ।