ଜିଲ୍ଲାପାଳ କାର୍ଯ୍ୟାଳୟରେ ଓଡିଶା ମିଲେଟ ମିଶନ ଅନୁକୂଲ୍ୟରେ ପ୍ରସ୍ତୁତିମୂଳକ ବୈଠକ ଅନୁଷ୍ଠିତ

କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ,୧୭/୮: ବୌଦ୍ଧ ଜିଲ୍ଲାପାଳ କାର୍ଯ୍ୟାଳୟ, ବୌଦ୍ଧ ପରିସର ଠାରେ ଅନ୍ତର୍ଜାତୀୟ ମିଲେଟ ବର୍ଷ ୨୦୨୩ ପାଳନ ଅବସରରେ ଓଡିଶା ମିଲେଟ ମିଶନ ଅନୁକୂଲ୍ୟରେ ପ୍ରସ୍ତୁତିମୂଳକ ବୈଠକ ଅନୁଷ୍ଠିତ କରାଗଲା ।
ଉକ୍ତ ବୈଠକରେ ଜିଲ୍ଲାର ସମସ୍ତ ବିଭାଗୀୟ ଅଧିକାରୀ, ସମସ୍ତ ପଞ୍ଚାୟତ ସମିତି ର ଗୋଷ୍ଠୀ ଉନ୍ନୟନ ଅଧିକାରୀ ଏବଂ ଓଡ଼ିଆ ମିଲେଟ ମିଶନ ରେ କାର୍ଯ୍ୟ କରୁଥିବା କର୍ମକର୍ତ୍ତା ସହ ଓଡିଶା ମିଲେଟ ମିଶନକୁ ସହଯୋଗ କରୁଥିବା ଏନଜିଓ ଉପସ୍ଥିତ ଥିଲେ । ଅନୁଷ୍ଠିତ ସଭାକୁ ସନମାନନୀୟ ଜିଲ୍ଲାପାଳ, ବୌଦ୍ଧ ଶ୍ରୀ. ନୃସିଂହ ଚରଣ ସ୍ୱାଇଁ ଙ୍କ ଅଧକ୍ଷତା ରେ ପରିଚାଳନା କରାଯଇଥିଲା ଏବଂ ଶ୍ରୀ. ବସନ୍ତ କୁମାର ପାଣିଗ୍ରାହୀ, ଜିଲ୍ଲା ମୁଖ୍ୟ କୃଷି ଅଧିକାରୀ, ବୌଦ୍ଧ ଉପସ୍ଥିତ ସମସ୍ତ ଅଧିକାରୀ ଏବଂ ସଦସ୍ୟଙ୍କୁ ସ୍ୱାଗତ ଜଣେଇଥିଲେ ।
ଉକ୍ତ ବୈଠକ ଟି ମିଲେଟ ମିଶନ ଅନ୍ତର୍ଗତ ଅନ୍ତର୍ଜାତୀୟ ମିଲେଟ ବର୍ଷ ୨୦୨୩ ପାଳନ ଅବସରରେ ଆଗାମୀ ଦିନରେ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମ କୁ ସାଫଲ୍ୟ ମଣ୍ଡିତ କରିବା ନିମନ୍ତେ ସମସ୍ତ ଅଧିକାରୀଙ୍କ ସହ ଯୋଜନା ପ୍ରସ୍ତୁତି କରାଯାଇ ଦାୟିତ୍ୱ ବିତରଣ କରାଗଲା ।
ବୈଠକ ରେ ବିଭିନ୍ନ ମିଲେଟ ର ପୁଷ୍ଟିତତ୍ତ୍ୱ ସୁସ୍ଥଜୀବନ ପାଇଁ ଆବଶ୍ୟକତାକୁ ଆଧାର କରି ମିଲେଟ ଚାଷ କୁ ପୁନରାବୃତି କରିବା ସହିତ ଚାଷୀ କିପରି ଅଧିକ ଅମଳ କରି ସ୍ୱାବଲମ୍ବୀ ହେଇପାରିବ ସେଥି ପ୍ରତି ଧ୍ୟାନ ଆକର୍ଷଣ କରାଯାଇ ବିଭିନ୍ନ କାର୍ଯ୍ୟକ୍ରମ କରି ସମସ୍ତ ବର୍ଗର ଲୋକଙ୍କ ପାଖକୁ ବାର୍ତ୍ତା ପହଞ୍ଚେଇବା ନିମନ୍ତେ ଯୋଜନା କରାଗଲା ।