ଗଜପତି: ପେକଟ ଓ ଲିମରସିଙ୍ଗି ଗ୍ରାମରେ ବନ୍ୟା-ବାତ୍ୟା ପ୍ରଭାବିତ ପରିବାର ମାନଙ୍କ ପାଇଁ ସିସିଡି ଓ ଲିନସି, ଫାଉଣ୍ଡେସନ୍ର ରାହାତ ସାହାଯ୍ୟ ବିତରଣ କାର୍ଯ୍ୟକ୍ରମ ଅନୁଷ୍ଠିତ
ଗଣେଶ କୁମାର ରାଜୁଙ୍କ ରିପୋର୍ଟ
ଗଜପତି, ୭/୧୧ : ଗତ ମାସରେ ହୋଇଥିବା ତିନିଦିନିଆ ଭାରି ବର୍ଷା ଓ “ମୋନ୍ଥା” ବାତ୍ୟା ଯୋଗୁଁ ରାୟଗଡା ବ୍ଲକର ଅନେକ ଗ୍ରାମରେ ଘର , ଫସଲ ଓ ରାସ୍ତା ନଷ୍ଟ ହୋଇ କ୍ଷତିଗ୍ରସ୍ତ ହୋଇ ପଡିଥିଲା। ଏଭଳି ବିପଦ ସ୍ଥିତିରେ ଗ୍ରାମବାସୀଙ୍କ ଆବଶ୍ୟକତାକୁ ଧ୍ୟାନରେ ରଖି , ସିସିଡି: ଅନୁଷ୍ଠାନ ଓ ଲିନ୍ସି ଫାଉଣ୍ଡେସନ୍ ର ମିଳିତ ପ୍ରୟାସରେ ରାୟଗଡ଼ ବ୍ଲକର ମାର୍ଲବା ପଞ୍ଚାୟତ ଅନ୍ତର୍ଗତ ପେକଟ ଓ ଲିମରସିଙ୍ଗି ଗ୍ରାମର ୪୩ ଟି ପରିବାରଙ୍କୁ ରାହାତ ସାମଗ୍ରୀ ବିତରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଏହି ସାହାଯ୍ୟ ବିତରଣ କାର୍ଯ୍ୟକ୍ରମରେ ଗଜପତି ଜିଲ୍ଲା ପାରଳାଖେମୁଣ୍ଡି ଉପ-ଜିଲ୍ଲାପାଳ ଶ୍ରୀ ଅନୁପ କୁମାର ପଣ୍ଡା ମୁଖ୍ୟ ଅତିଥି ଉପସ୍ଥିତ ହୋଇ ଆପଦ୍ ବେଳେ କ୍ଷତିଗ୍ରସ୍ତ ପରିବାର ମାନଙ୍କ ମଧ୍ୟରେ ରାହାତ ସାମଗ୍ରୀ ବିତରଣ କରିଥିଲେ।
ଏହି କାର୍ଯ୍ୟକ୍ରମରେ ଆଇଟିଡିଏ:-ଏଇଇ: ଶ୍ରୀ ରୋହିତ ବେହେରା , ରାୟଗଡ଼ ବିଏଲଇ:- ଶ୍ରୀ ଜି. କୁମାର ରେଡ଼ି , ସ୍ଥାନୀୟ ସରପଞ୍ଚ ଶ୍ରୀ ଜଳନ୍ଧର କାର୍ଜୀ , ସମିତିସଭ୍ୟା-ପାର୍ବତୀ ଭୂୟାଁ , ଯୁସ୍ପିନ ଶବର-ୱାର୍ଡ ମେମ୍ବର ଓ ଗ୍ରାମବାସୀ ମାନେ ମଧ୍ୟ ଉପସ୍ଥିତ ଥିଲେ।
ସାହାର୍ଯ୍ୟ ଭିତରଣ ସମୟରେ ପ୍ରତ୍ୟେକ ପରିବାରକୁ ନିମ୍ନଲିଖିତ ଆବଶ୍ୟକ ସାମଗ୍ରୀ ଦିଆ ଯାଇଥିଲା ।
ସେ ଗୁଡିକ ହେଲା:-ଘର ଛାତ ପାଇଁ ତାରପଲିନ୍ , ଖାଦ୍ୟ ସାମଗ୍ରୀ ମଧ୍ୟରେ: ୨୫ କେଜି ଚାଉଳ , ଡାଲି, ତେଲ , ଚିନି , ମୋଟର , ଚୂଡା , ସୁଜି , ଲୁଣ , ଲଙ୍କା ଗୁଣ୍ଡ, ହଳଦୀ ଗୁଣ୍ଡ , ସାବୁନ , ସର୍ଫ ପାଉଡର ।
ସେହିଭଳି ପୋଷାକ ସାମଗ୍ରୀ ଗୁଡିକ ମଧ୍ୟରେ ହେଲା:- ଶାଢୀ , ପେଣ୍ଟ , ନାଇଟି , ଚାଦର ଓ ଟାବଲ – ପ୍ରତ୍ୟେକରୁ ଦୁଇଟି ଲେଖାଏଁ ।
ଜିଲ୍ଲା ପ୍ରଶାସନ ଓ ଗ୍ରାମବାସୀ ମାନେ ଏହି ସାହାଯ୍ୟ ପାଇଁ ଲିନ୍ସୀ ଫାଉଣ୍ଡେସନ୍ ଓ ସିସିଡି: ଅନୁଷ୍ଠାନ ପ୍ରତି କୃତଜ୍ଞତା ଜଣାଇଛନ୍ତି ଏବଂ ସେମାନଙ୍କୁ ଏପରି ଦୁର୍ୟୋଗ ସମୟରେ ମାନବିକ ସହାୟତା ପ୍ରଦାନ କରାଯାଇ ଥିବା ଯୋଗୁଁ ସେମାନେ ଆନନ୍ଦ ବ୍ୟକ୍ତ କରିଥିଲେ ।
ଏହି ସାହାଯ୍ୟ ବିତରଣ କାର୍ଯ୍ୟକ୍ରମ ସିସିଡି:- ଅନୁଷ୍ଠାନର ମୁଖ୍ୟ ତଥା ସମ୍ପାଦକ ଶ୍ରୀ ଏ. ଜଗନ୍ନାଥ ରାଜୁଙ୍କ ନିର୍ଦ୍ଦେଶ କ୍ରମେ , ଅନୁଷ୍ଠାନ ପ୍ରୋଗ୍ରାମ ମ୍ୟାନେଜର ଶ୍ରୀ ବିଜୟ ପ୍ରଧାନଙ୍କ ତତ୍ତ୍ୱାବଧାନରେ , ପ୍ରୋଜେକ୍ଟ ଅଫିସର ଶ୍ରୀ ଦେବାଶିଷ ପାଇକ ଏବଂ ଜୟଲକ୍ଷ୍ମୀ ବେହେରା ଓ ମମତା ପାତ୍ର ପ୍ରମୁଖ ପରିଚାଳନାରେ ସହଯୋଗ କରିଥିଲେ।
