ଗଜପତି : ଜିଲ୍ଲାମୁଖ୍ୟ ଚିକିତ୍ସାଳୟରେ ସୁସ୍ଥ ନାରୀ ସଶକ୍ତ ପରିବାର ଅଭିଯାନ କାର୍ଯ୍ୟକ୍ରମ
ଗଣେଶ କୁମାର ରାଜୁଙ୍କ ରିପୋର୍ଟ
ଗଜପତି, ୨୨/୯ : ଯଶଶ୍ଵୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ’ଜୀଙ୍କ ୭୫ ତମ ଜନ୍ମଦିନ ଅବସରରେ ଗଜପତି ଜିଲ୍ଲା ସଦର ମହକୁମା ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟରେ ପାଳନ ହେଉଛି ୧୫ ଦିନିଆ ଏକ କାର୍ଯ୍ୟକ୍ରମ “ସୁସ୍ଥ ନାରୀ-ସଶକ୍ତ ପରିବାର ଅଭିଯାନ” କାର୍ଯ୍ୟକ୍ରମ ।
ଏହି କାର୍ଯ୍ୟକ୍ରମ ଅବସରରେ ଆଜି ଏକ ସଚେତନତା କାର୍ୟ୍ୟକ୍ରମ ସହ ଗର୍ଭବତୀ ଓ ପ୍ରସୂତି ମହିଳା ମାନଙ୍କ ବିଭିନ୍ନ ପରୀକ୍ଷା ନିରୀକ୍ଷା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ଜିଲ୍ଲାମୁଖ୍ୟ ଚିକିତ୍ସାଳୟର ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡ଼ାଃ ସନ୍ଧ୍ୟାରାଣୀ ପାଣିଗ୍ରାହୀଙ୍କ ଅଧ୍ୟକ୍ଷତାରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଡିଏମଓ: ଡ଼ାଃ ସାନ୍ତାନୁ ପାଢ଼ୀ ଏବଂ ମୁଖ୍ୟ ଚିକିତ୍ସାଳୟ ମ୍ୟାନେଜର ଶ୍ରୀ ସିଲନ କୁମାର ସାହୁ ଯୋଗ ଦେଇଥିଲେ ।
ଏଭଳି କାର୍ଯ୍ୟକ୍ରମ ଦ୍ୱାରା ଚିକିତ୍ସାଳୟର ସମସ୍ତେ ଏକାଠି ହୋଇ ଆସୁଥିବା ମହିଳା ମାନଙ୍କ ସମସ୍ତ ସମସ୍ୟାର ଅନୁଧ୍ୟାନ କରିବା ସହ ତାର ନିରାକରଣ ଓ ନିରୂପଣ କରି ଯଥାର୍ଥ ତଥ୍ୟ ଭିତ୍ତିକ ଉପଚାର କରାଯାଉଛି ।
ଏକ ନାରୀ ଗଛର ମୂଳ ପରି , ଚେର ଶକ୍ତ ରହିଲେ ପରିବେଶ ଯେମିତି ସବୁଜ ଓ ସୁଖକର ରହିବ ଠିକ ସେପରି ନାରୀ ସୁସ୍ଥ ରହିଲେ ହିଁ ପରିବାର , ଗ୍ରାମ , ରାଜ୍ୟ ଓ ଦେଶ ସୁଦୃଢ ହେବ ।
ଗର୍ଭାବସ୍ଥା ସମୟରେ ବିପଦସଙ୍କେତ ଚିହ୍ନଟ କରି ଚିକିତ୍ସା କରିବା ଓ ମାତୃ ମୃତ୍ୟୁହାର ଓ ଶିଶୁ ମୃତ୍ୟୁହାର କମେଇବା ମୁଖ୍ୟ ଉଦ୍ଦେଶ୍ୟ , ଯାହାକି ଆଧୁନିକ ଚିକିତ୍ସା କୌଶଳରେ ବିଭିନ୍ନ ସ୍ବାସ୍ଥ୍ୟ ସମ୍ନନ୍ଧୀୟ ସୂଚନା ଓ ଚିକିତ୍ସାର ବ୍ୟାପକ ପ୍ରଚାର ପ୍ରସାର ପାଇଁ ବ୍ରତୀ ହେବା ପାଇଁ ଦୃଢ ସଂକଳ୍ପ କରିବା ନାରୀମାନଙ୍କୁ ବିଭିନ୍ନ କ୍ନ୍ୟାନସର ବିଷୟରେ ଅବଗତ କରାଇ ଏହାର ନିରାକରଣ ଓ ପ୍ରଥମ ସୋପାନରେ ଚିହ୍ନଟ କରାଇବା ଦିଗରେ ଆଲୋକପାତ କରିବା ଏବଂ ଦେଶର ନାରୀ ଓ ମା ଯଦି ସଶକ୍ତିକରଣ ହେବେ ଦେଶ ଆଗକୁ ବଢିବ ଓ ସବୁ କ୍ଷେତ୍ରରେ ଅଗ୍ରଣୀ ହେବ ବୋଲି ଜିଲ୍ଲା ମୁଖ୍ୟ ଚିକିତ୍ସାଳୟର ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡ଼ାଃ ସନ୍ଧ୍ୟାରାଣୀ ପାଣିଗ୍ରାହୀ କହିଛନ୍ତି ।
ଏହି ଅବସରରେ ଶତାଧିକ ଗର୍ଭବତୀ ଓ ପ୍ରସୂତି ମହିଳା ମାନଙ୍କ ପଞ୍ଜିକରଣ କରାଯାଇ ଓଜନ ଓ ଉଚ୍ଚତା ମାପ ସହ ରକ୍ତଚାପ କରାଯାଇ ବିଭିନ୍ନ ପରୀକ୍ଷା କରା ଯାଇଥିଲା ।
