ଗଜପତି : ଗ୍ରାମାଞ୍ଚଳରେ ଚକ୍ଷୁ ସେବା ପହଞ୍ଚାଇବା ପାଇଁ “ଭିଜନ ଅନ ହ୍ବିଲ୍”ର ଶୁଭାରମ୍ଭ
ଗଣେଶ କୁମାର ରାଜୁଙ୍କ ରିପୋର୍ଟ
ଗଜପତି, ୧୬/୮ : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଗଜପତି ଷ୍ଟାଡିୟମ ଠାରେ ସ୍ଵାଧୀନତା ଦିବସ ପାଳନ ଅବସରରେ ଗଜପତି ଜିଲ୍ଲାର ବିଭିନ୍ନ ଗ୍ରାମାଞ୍ଚଳରେ ଚକ୍ଷୁ ସେବାକୁ ପହଞ୍ଚାଇବ ଉଦ୍ଦେଶ୍ୟରେ “ଭିଜନ ଅନ୍ ହ୍ୱିଲ୍ସ” ପ୍ରକଳ୍ପର ଶୁଭାରମ୍ଭ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଓଡିଶା ସରକାରଙ୍କ ଇସ୍ପାତ, ଖଣିଜ, ପରିବହନ ଓ ବାଣିଜ୍ୟ ମନ୍ତ୍ରୀ ଶ୍ରୀ ବିଭୁତି ଭୂଷଣ ଜେନା ସବୁଜ ପତାକା ଦେଖାଇ ଏହି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ।
ଏହି ଉଦ୍ଘାଟନି କାର୍ଯ୍ୟକ୍ରମରେ ଗଜପତି ଜିଲ୍ଲାପାଳ ଶ୍ରୀମତୀ ମଧୁମିତା , ପୁଲିସ ଏସପି: ଶ୍ରୀ ଜତିନ୍ଦ୍ର କୁମାର ପଣ୍ଡା ଡିଏଫ୍ଓ: ଶ୍ରୀ କେ: ନାଗରାଜୁ , ରାଜ ଦେଶାଇ ଫାଉଣ୍ଡେସନ’ର ପ୍ରୋଗ୍ରାମ ମ୍ୟାନେଜର ଶ୍ରୀ ପ୍ରଣବ ପ୍ରତାପ ସିଂହ , ପ୍ରୋଗ୍ରାମ ଏକ୍ସିକ୍ୟୁଟିଭ ଅନୁଷ୍କା ସୋନି ଓ ପଦ୍ମାବତୀ , ସେଣ୍ଟର ଫର କମ୍ୟୁନିଟି ଡେଭଲପମେଣ୍ଟ (ସିସିଡ଼ି:)ର ନିର୍ଦ୍ଦେଶକ ଶ୍ରୀ ଏ. ଜଗନ୍ନାଥ ରାଜୁ ଓ ସମସ୍ତ ସିସିଡ଼ି: କର୍ମକର୍ତ୍ତା ଦଳ ଉପସ୍ଥିତ ଥିଲେ।
ଦେଶାଇ ଫାଉଣ୍ଡେସନ ଦ୍ୱାରା ପରିକଳ୍ପିତ, ଏସସିଓଆର: ଦ୍ୱାରା ସହାୟତା ପ୍ରାପ୍ତ ଓ ସି ସି ଡ଼ି: ଦ୍ୱାରା କାର୍ଯ୍ୟାନ୍ବିତ “ଭିଜନ ଅନ୍ ହ୍ୱିଲ୍ସ” ପ୍ରକଳ୍ପ ଗଜପତି ଜିଲ୍ଲାର ସବୁଠୀ ଦୂରରେ ରହିଥିବା ଗ୍ରାମ ଗୁଡିକୁ ଯାଇ ଆବଶ୍ୟକୀୟ ଚକ୍ଷୁ ସେବା ପହଞ୍ଚାଇବ।
ବିଶେଷ ଭାବେ ପ୍ରସ୍ତୁତିତ ଏହି ଯାନରେ ଆଧୁନିକ ଚକ୍ଷୁ ପରୀକ୍ଷା ଯନ୍ତ୍ରପାତି ସହିତ ପ୍ରଶିକ୍ଷିତ ଡାକ୍ତର ଓ ଚକ୍ଷୁ ବିଶେଷଜ୍ଞ ଉପସ୍ଥିତ ରହିବେ। ଏହି ପ୍ରକଳ୍ପ ଦ୍ଵାରା ଆବଶ୍ୟକୀୟ ରୋଗୀଙ୍କୁ ନିଶୁଳ୍କ ଔଷଧ , ଆଖିର ଡ୍ରପ୍ ଓ ଚଷମା ବଣ୍ଟନ କରାଯିବା ବ୍ୟବସ୍ଥା ରହିଛି ।
ଅନ୍ୟପକ୍ଷରେ ଏହି ପ୍ରକଳ୍ପ ଯାନ ପ୍ରତିଦିନ ଗଜପତି ଜିଲ୍ଲାର ଦୂରସ୍ଥ ଗ୍ରାମଗୁଡିକୁ ପହଞ୍ଚି , ୨୦୨୬ ମାର୍ଚ୍ଚ ପର୍ଯ୍ୟନ୍ତ ୩୬,୦୦୦ ଲୋକଙ୍କୁ ଗୁଣାତ୍ମକ ମାନ ସ୍ତରୀୟ ଚକ୍ଷୁ ସେବା ପ୍ରଦାନ କରିବା ଲକ୍ଷ୍ୟରେ କାର୍ଯ୍ୟ କରିବ। ଗ୍ରାମବାସୀଙ୍କ ଘର ଦ୍ଵାରରେ ସ୍ୱାସ୍ଥ୍ୟ ସେବା ପହଞ୍ଚାଇ , ଯେଉଁଠାରେ ହସ୍ପିଟାଲ ସୁବିଧା ସହଜରେ ଉପଲବ୍ଧ ନୁହେଁ , ସେଠାରେ ସ୍ୱାସ୍ଥ୍ୟ ସୁବିଧାର ଅଭାବକୁ ମଧ୍ୟ ପୁରଣ କରିବା ଏହି ପ୍ରକଳ୍ପର ଲକ୍ଷ୍ୟ ଓ ଉଦ୍ଦେଶ୍ୟ ରହିଛି ବୋଲି କୁହାଯାଇଛି ।
