ଶ୍ରେଣୀଗୃହ ଲାଗି ବିଦ୍ୟୁତ ତାର, ଛାତ୍ରଛାତ୍ରୀଙ୍କ ମଧ୍ୟରେ ଭୟ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ, ୨୫/୧୧ : ବୌଦ୍ଧ ବ୍ଲକ ଲକ୍ଷ୍ମୀପ୍ରସାଦ ପଂଚାୟତ ଲକ୍ଷ୍ମୀପ୍ରସାଦ ଉଚ୍ଚ ପ୍ରାଥମିକ ବିଦ୍ୟାଳୟ ଦେଇ ବିଦ୍ୟୁତ ତାର ଯାଇଥିବା ବେଳେ ତାହାକୁ ପରିବର୍ତନ କରାଯାଉନାହିଁ ।
ଏହି ବିଦ୍ୟାଳୟରେ ଶିଶୁ ବାଟିକା ଠାରୁ ଆରମ୍ଭ କରି ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ବିଦ୍ୟାଳୟର ପଛ ପଟେ କୁଢ କୁଢ଼ ଆବର୍ଜନା ପଡି ରହିଛି । ବିଦ୍ୟାଳୟଟି ଦୁଇ ମହଲା ବିଶିଷ୍ଟ ହୋଇଥିବା ବେଳେ ତଳ ମହଲାରେ ପ୍ରଥମରୁ ପଞ୍ଚମ ପର୍ଯ୍ୟନ୍ତ ପାଠ ପଢ଼ୁଥିବା ବେଳେ ଉପର ମହଲାରେ ଷଷ୍ଠ, ସପ୍ତମ ଓ ଅଷ୍ଟମ ଶ୍ରେଣୀ ଛାତ୍ରଛାତ୍ରୀ ପାଠ ପଢ଼ୁଛୁନ୍ତି ।
ଗୋଟିଏ ସାହି ପଟୁ ଆଉ ଗୋଟିଏ ସାହିକୁ ବିଦ୍ୟୁତ ଯାଇଥିବା ବେଳେ ବିଦ୍ୟୁତ ତାରଟି ଉପର ମହଲାର ଶ୍ରେଣୀ ଗୃହ ଦେଇ ଯାଇଛି ।
କେତେବେଳେ ଯେ ଏହି ତାର ସଂସ୍ପର୍ଶରେ ଆସି ବିପଦ ଘଟିପାରେ କହି ହେବ ନାହିଁ । ଏହାକୁ ହଟାଇବା ପାଇଁ ବିଦ୍ୟାଳୟ ପକ୍ଷରୁ ବିଦ୍ୟୁତ ବିଭାଗକୁ ଜଣା ଯାଇଥିଲେ ମଧ୍ୟ ତାହା ହଟାଯାଉ ନାହିଁ । ବିପଦ ଘଟିବା ପୂର୍ବରୁ ଏହାକୁ ସ୍ଥାନାନ୍ତର କରାଯାଉ ନହେଲେ ବଡ଼ ଅଘଟଣ ଘଟିପାରେ ।
ତେଣୁ ତୁରନ୍ତ ପଦକ୍ଷେପ ନେଇ ବିଦ୍ୟାଳୟ ଲାଗି ଯାଇଥିବା ବିଦ୍ୟୁତ ତାର ହଟାଇବାକୁ ସାଧାରଣରେ ଦାବି ହେଉଛି ।
