ବୌଦ୍ଧଜିଲ୍ଲାରେ ସମ୍ବିଧାନ ଦିବସ ଅବସରରେ ବରିଷ୍ଠ ଆଇନଜୀବୀଙ୍କୁ ସମ୍ବର୍ଦ୍ଧିତ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ, ୨୭/୧୧ : ବୌଦ୍ଧ ଜିଲ୍ଲା ଆଇନସେବା ପ୍ରାଧିକରଣ ପକ୍ଷରୁ ଜିଲ୍ଲାପାଳ ଙ୍କ କାର୍ଯ୍ୟାଳୟ ସଦଭାବନା ଗୃହରେ ସମ୍ବିଧାନ ଦିବସ ଅନୁଷ୍ଠିତ ହୋଇଯାଇଛି ।
ଜିଲ୍ଲା ଜଜ୍ ପ୍ରତାପ କୁମାର ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କର୍ମଶାଳାରେ ଅତିଥି ଭାବେ ଜିଲ୍ଲାପାଳ ବିଭୁତି ଭୁଷଣ ନାୟକ ଓ ଆରକ୍ଷୀ ଅଧିକ୍ଷକ ରାହୁଲ ଗୋୟଲ୍ ଯୋଗଦେଇ ସମ୍ବିଧାନର ଗୁରୁତ୍ଵ ଉପରେ ଆଲୋଚନା କରିବା ସହିତ ଜନସାଧାରଣଙ୍କୁ ଉତ୍ତମ ସେବା ଯୋଗାଇଦେବା ପାଇଁ ସମସ୍ତଙ୍କ ଉଦ୍ୟମ ର ଆବଶ୍ୟକତା ଉପରେ ଆଲୋକପାତ କରିଥିଲେ ।
ଜିଲ୍ଳା ଓକିଲ ସଂଘ ପକ୍ଷରୁ ବରିଷ୍ଠ ଆଇନଜୀବୀ ନବ କୁମାର ମିଶ୍ର ଚତୁର୍ଥ ସ୍ତମ୍ଭ ପ୍ରେସ ଓ ପଞ୍ଚମ ସ୍ତମ୍ଭ ଭାବେ ଚାପ ସମ୍ବନ୍ଧୀୟ ଗୋଷ୍ଠୀର ଆବଶ୍ୟକତା ଉପରେ ଆଲୋକପାତ କରିଥିଲେ ।
ଅନ୍ୟତମ ବରିଷ୍ଠ ଆଇନଜୀବୀ ଓମ୍ ପ୍ରକାଶ ମିଶ୍ର ସମ୍ବିଧାନ ବଳରେ ଜନସାଧାରଣ କିପରି ଉପକୃତ ହେଉଛନ୍ତି ମତପ୍ରକାଶ କରିଥିଲେ । ସିଜେଏମ୍ ନିରଞ୍ଜନ ପାତ୍ର, ରେଜିଷ୍ଟାର ଜୟପ୍ରକାଶ ନାୟକ ନାଗରିକଙ୍କ ମୌଳିକ କର୍ତ୍ତବ୍ୟ ଏବଂ ସମ୍ବିଧାନର ବିଭିନ୍ନ ଧାରା ଉପରେ ବିବରଣୀ ପ୍ରଦାନ କରିଥିଲେ ।
ଏହି ଅବସରରେ ଅତିଥି ବୃନ୍ଦ ୫୫ବର୍ଷ ଧରି ବରିଷ୍ଠ ଓକିଲ ସୁଧୀର କୁମାର କର୍ଣ୍ଣ ଓ ୪୭ ବର୍ଷ ଧରି ଆଇନ୍ ଜିବୀ ଓମ୍ ପ୍ରକାଶ ମିଶ୍ର ଓକିଲାତି କରି ଆସୁଥିବାରୁ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରିଥିଲେ ।
କର୍ମଶାଳାକୁ ସମ୍ପାଦକ ଡି.ଏଲ୍.ଏସ୍. ଏ. ଶ୍ରଦ୍ଧାଞ୍ଜଳି ରାୟ ପରିଚାଳନା କରିଥିଲେ । ଏହି କର୍ମଶାଳାରେ ଉପ ଜ଼ିଲ୍ଲାପାଳ ବିନୟ କୁମାର ଭୋଇ, ଅବକାରୀ ଅଧିକ୍ଷକ ଶାନ୍ତି ମାରାଣ୍ଡି, ଜ଼ିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଳିୟାର ସିଂହ, ବରିଷ୍ଠ ଆଇନଜୀବୀ, ବୁଦ୍ଧିଜିବୀ,ବିଭିନ୍ନ ସଙ୍ଗଠନର କର୍ମକର୍ତ୍ତା, ଗଣ ମାଧ୍ୟମ ପ୍ରତିନିଧି ଯୋଗଦାନ କରିଥିଲେ ।
