ଦିଲ୍ଲୀ ବାସୀଙ୍କୁ ଉପହାର ଭେଟି ଦେଲେ କେଜରିୱାଲ: ତିନିଦିନ ଇଲେକ୍ଟ୍ରିବସ୍ରେ ମାଗଣାରେ ଯାତ୍ରା କରିପାରିବେ
ନୂଆଦିଲ୍ଲୀ ୨୩/୦୫ : ଦିଲ୍ଲୀର ବାସିନ୍ଦାମାନଙ୍କ ପାଇଁ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ପୁଣି ଥରେ ଏକ ବଡ଼ ଉପହାର ଦେବାକୁ ଯାଉଛନ୍ତି। ଖବର ସରବରାହ ସଂସ୍ଥା ଏଏନଆଇ ଅନୁସାରେ ମଙ୍ଗଳବାର ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ୧୫୦ଟି ଇଲେକ୍ଟ୍ରିକ ବସକୁ ସବୁଜ ସଙ୍କେତ ଦେଖାଇ ସେମାନଙ୍କ ଯାତ୍ରାର ଶୁଭାରମ୍ଭ କରାଇବେ।
ଏଏନଆଇ ଅନୁସାରେ କେଜରିୱାଲଙ୍କ ଦ୍ୱାରା ସବୁଜ ସଙ୍କେତ ଦେଖାଇ ଯାତ୍ରା ଶୁଭାରମ୍ଭ କରିଥିବା ୧୫୦ଟି ଇଲେକ୍ଟ୍ରିକ ବସରେ ଦିଲ୍ଲୀବାସୀମାନେ ଏବେ ୩ ଦିନ ପର୍ୟ୍ୟନ୍ତ ମାଗଣାରେ ଯାତ୍ରା କରିପାରିବେ ବୋଲି ଦିଲ୍ଲୀ ସରକାର ଘୋଷଣା କରିଛନ୍ତି। ଏହା ସହିତ ପ୍ରଦୂଷଣ ମୁକ୍ତ ପରିବହନକୁ ପ୍ରୋତ୍ସାହନ ଦେବାରେ ଦିଲ୍ଲୀ ସରକାରଙ୍କ ଏହା ଆଉ ଏକ ପଦକ୍ଷେପ ହେବ।
