ଗଜପତି : ଜିଲ୍ଲା ପର୍ଯ୍ୟଟନ ବିଭାଗ ପକ୍ଷରୁ ଜିଲ୍ଲାର ବିଭିନ୍ନ ପର୍ଯ୍ୟଟନ ସ୍ଥଳୀକୁ ଯିବା ପାଇଁ ପର୍ଯ୍ୟଟକ ମାନଙ୍କୁ ମନା
ଗଣେଶ କୁମାର ରାଜୁଙ୍କ ରିପୋର୍ଟ
ଗଜପତି , ୫/୧୦ : ଗଜପତି ଜିଲ୍ଲାର ମୋହନା , ନୂଆଗଡ , ରା: ଉଦୟଗିରି , ରାୟଗଡ଼ , କାଶୀନଗର ଓ ଗୁମ୍ମା ବ୍ଲକର ପାହାଡିଆ ଅଞ୍ଚଳରେ ବିଭିନ୍ନ ପର୍ଯ୍ୟଟନ ସ୍ଥଳୀ ସବୁ ରହିଛି । ପ୍ରତ୍ୟେକ ଦିନ ଜିଲ୍ଲା ସମେତ ବାହାର ଜିଲ୍ଲା ଅଞ୍ଚଳରୁ ଶତାଧିକ ସଂଖ୍ୟାରେ ବଣଭୋଜି ଓ ପ୍ରାକୃତିକ ସୌନ୍ଦର୍ଯ୍ୟ ଉପଭୋଗ କରିବା ପାଇଁ ଆସିଥାନ୍ତି ।
ଏହି ଦୃଷ୍ଟିରୁ ଜିଲ୍ଲା ପର୍ଯ୍ୟଟନ ବିଭାଗ ପକ୍ଷରୁ କୁହାଯାଇଛି ଯେ , ବର୍ତ୍ତମାନ ଜିଲ୍ଲାର ଉପରୋକ୍ତ ତଥା ସଂପୃକ୍ତ ବ୍ଲକ ଅଞ୍ଚଳ ର ବିଭିନ୍ନ ପର୍ଯ୍ୟଟନ ସ୍ଥଳୀକୁ ଅଞ୍ଚଳରେ ବର୍ଷା ଲାଗି ରହିଛି । ରହିଥିବା ଜଳ ପ୍ରପାତ ଗୁଡିକରେ ଜଳସ୍ରୋତ ଅଧିକ ରହିଥିବା ସହ ଉପର ମୁଣ୍ଡରେ ଥିବା ପାହାଡ ଉପରେ ଅତ୍ୟଧିକ ବର୍ଷା ମଧ୍ୟ ଲାଗିରହିଛି ।
ସେଥି ଯୋଗୁଁ ସେଠାକୁ ପର୍ଯ୍ୟଟକ ମାନେ ଯିବା ଆଦୌ ସୁରକ୍ଷିତ ନୁହେଁ ଏବଂ ଆସୁଥିବା ପର୍ଯ୍ୟଟକ ମାନଙ୍କୁ ମଧ୍ୟ ପାହାଡିଆ ଅଞ୍ଚଳର ଦର୍ଶନୀୟ ସ୍ଥାନ ଓ ଜଳପ୍ରପାତ ଅଞ୍ଚଳକୁ ନ ଯିବାପାଇଁ ଓ ନ ଛାଡ଼ିବା ପାଇଁ ପର୍ଯ୍ୟଟକ ମାନଙ୍କ ସୁରକ୍ଷା ପାଇଁ ଜିଲ୍ଲା ପର୍ଯ୍ୟଟନ ବିଭାଗ ପକ୍ଷରୁ ସମ୍ପୂର୍ଣ ବାରଣ କରାଯାଇଛି ।
ସେହି ଅବସରରେ ଜିଲ୍ଲାର ପ୍ରତ୍ୟେକ ପର୍ଯ୍ୟଟନ ସ୍ଥଳୀକୁ ଯିବା ରାସ୍ତାରେ ରାସ୍ତା ବନ୍ଦକରି ବନ ବିଭାଗ ଓ ପୋଲିସ କର୍ମଚାରୀ ମାନେ ଜଗି ରହିଥିବା ଜଣାଯାଇଛି ।
ଏଥିସହ ଏ ସମ୍ପର୍କରେ ଜିଲ୍ଲା ପର୍ଯ୍ୟଟନ ବିଭାଗ ପକ୍ଷରୁ ଜିଲ୍ଲାର ଏସପି: ଓ ବନଖଣ୍ଡ ଅଧିକାରୀଙ୍କ ସମେତ ଜିଲ୍ଲାର ମୋହନା , ରା: ଉଦୟଗିରି , ନୂଆଗଡ , ରାୟଗଡ଼ , ଗୁମ୍ମା ଓ କାଶୀନଗର ବ୍ଲକର ବିଡ଼ିଓ ମାନଙ୍କୁ ସଂପୃକ୍ତ ଅଞ୍ଚଳରେ କୌଣସି ପ୍ରକାରର ଅଘଟଣା ଯେଭଳି ନ ଘରେ ସେଥିପାଇଁ ଆବଶ୍ୟକ ପଦକ୍ଷେପ ଗ୍ରହଣ କରିବା ପାଇଁ ପତ୍ର ମାଧ୍ୟମରେ ଜଣାଇ ଦିଆ ଯାଇଥିବା ଜଣାପଡିଛି ।
