୨୪ ତମ ରାଜ୍ୟସ୍ତରୀୟ ତୀରନ୍ଦାଜ ପ୍ରତିଯୋଗିତାରେ ବୌଦ୍ଧ ଜିଲ୍ଲା ତୀରନ୍ଦାଜ ସଙ୍ଘର ଟେନିଶା ମେହେର ଇଣ୍ଡିଆନ ରାଉଣ୍ଡ ବାଳିକା ବିଭାଗରେ ୬୪୨ ସ୍କୋର ସହ ତୃତୀୟ ସ୍ଥାନ ପାଇ ବ୍ରୋଞ୍ଜ ପଦକ ହାସଲ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ,୩୦/୧୦: ସୁବର୍ଣ୍ଣପୁର ଜିଲ୍ଲାର ବିରମହାରାଜପୁରଠାରେ ଆୟୋଜିତ ୨୪ ତମ ରାଜ୍ୟସ୍ତରୀୟ ତୀରନ୍ଦାଜ ପ୍ରତିଯୋଗିତାରେ ବୌଦ୍ଧ ଜିଲ୍ଲା ତୀରନ୍ଦାଜ ସଙ୍ଘର ତୀରନ୍ଦାଜୀ ଟେନିଶା ମେହେର ଇଣ୍ଡିଆନ ରାଉଣ୍ଡ ବାଳିକା ବିଭାଗରେ ୬୪୨ ସ୍କୋର ସହ ତୃତୀୟ ସ୍ଥାନ ପାଇ ବ୍ରୋଞ୍ଜ ପଦକ ହାସଲ କରିଛନ୍ତି ।
ସରକାରୀ ବାଳିକା ଉଚ୍ଚ ବିଦ୍ୟାଳୟ ବୌଦ୍ଧର ଦଶମ ଶ୍ରେଣୀ ଛାତ୍ରୀ ଟେନିଶା ମେହେର ବୁଟୁପାଲି, ବୌଦ୍ଧର ଶ୍ରୀମତୀ ସନ୍ତୋଷିନୀ ମେହେର ଓ ସମାଜସେବୀ ଇନ୍ଦ୍ରମଣି ମେହେରଙ୍କ ସୁକନ୍ୟା ଅଟନ୍ତି ।
ଟେନିଶା ମେହେର ବର୍ତ୍ତମାନ ସରକାରୀ କ୍ରୀଡା ଛାତ୍ରାବାସ ସୁନ୍ଦରଗଡ଼ରେ ତୀରନ୍ଦାଜ କ୍ଷେତ୍ରରେ ପ୍ରଶିକ୍ଷକ ଶ୍ରୀଯୁକ୍ତ ନାରାୟଣ ବାନାରାଙ୍କ ଅଧୀନରେ ପ୍ରଶିକ୍ଷଣ ନେଉଛନ୍ତି ।
ଟେନିଶା ମେହେରଙ୍କ କୃତିତ୍ୱରେ ବୌଦ୍ଧ ତୀରନ୍ଦାଜ ସଙ୍ଘ, ଗଙ୍ଗାଧର ମେହେର ସ୍ବେଚ୍ଛାସେବୀ ସମିତି ବୁଟୁପାଲି ବୌଦ୍ଧ ତଥା ବୌଦ୍ଧବାସୀ ଓ କ୍ରୀଡ଼ାବିତ ମାନଙ୍କ ମହଲରେ ଖୁସିର ଲହରୀ ଖେଳିଯାଇଛି ।
