ଦେ ସାହାରା
ରାଈରଞ୍ଜନ
ନିର୍ମଳ ସ୍ୱଭାବେ ପାଦ ଥାପିଛି ଅଶିଣ
ଦର୍ଶାଏ ପରସିବାକୁ ପୁଣ ପୁଣ ପୁଣ
କାଶତଣ୍ଡି ଶୁଭ୍ର ବସ୍ତ୍ରେ ଶୋଭା ପାଏ ଧରା
ଉଦ୍ଦିପ୍ତ ଜ୍ୟୋତ୍ସ୍ନାରେ ମାଆ ବିଜେ ହେବେ ପରା
ଯାହାଙ୍କ ଆଗମେ ତୃପ୍ତ ହୁଅଇ ଜୀବନ
ଯାହାଙ୍କ ଦର୍ଶ ସଞ୍ଚାରେ ମୃତକେ ପରାଣ
ଯାହାଙ୍କ ନିମନ୍ତେ ଏହି ନବରାତ୍ର ପୂଜା
ସେହି କୃପାମୟୀ ମାତା ଦେବୀ ଦଶଭୁଜା
ଦଶଦୋଷରେ ବିଜୟୀ ବିଜୟା ଦଶମୀ
ଦୈବୀଶକ୍ତି , ଭକ୍ତିରେ ତୁଷ୍ଟ ଏ ପୁଣ୍ୟ ଭୂମି
ଆବାହମାନ , ପୁରାଣ କାଳୁ ଅଦ୍ୟାବଧି
ଅବିରାମ ପାଳନ୍ତି ଭକ୍ତ ଏ ମହାବିଧି
ମୁଁ ବି ମାଆ ..! ଅକିଞ୍ଚନ ଭୃତ୍ୟଟିଏ ତୋ’ର
ନୈବେଦ୍ୟ ବାଢ଼େ ପଖାଳି ତୋ’ ବେନି ପୟର
