ନଭେମ୍ବର ୩ରେ ଧାମନଗର ଉପନିର୍ବାଚନ
ଭୁବନେଶ୍ୱର, ୩/୧୦: ପ୍ରକାଶ ପାଇଲା ଧାମନଗର ଉପନିର୍ବାଚନ ତାରିଖ । ନଭେମ୍ବର ୩ରେ ହେବ ଉପନିର୍ବାଚନ ।
ଏନେଇ ଭାରତୀୟ ନିର୍ବାଚନ କମିଶନରଙ୍କ ପକ୍ଷରୁ ସୂଚନା ଦିଆଯାଇଛି । ବିଧାୟକ ବିଷ୍ଣୁ ସେଠୀଙ୍କ ପରଲୋକ ପରେ ଖାଲି ପଡିଥିବା ଧାମନଗର ବିଧାନସଭା ଆସନ ପାଇଁ ଉପନିର୍ବାଚନ ଅନୁଷ୍ଠିତ ହେବ । ଏନେଇ ଅକ୍ଟୋବର ୭ ତାରିଖରେ ବିଧିବଧ ଭାବେ ବିଜ୍ଞପ୍ତି ପ୍ରକାଶ ପାଇବ । ନାମାଙ୍କନ ଭରିବାର ଶେଷ ତାରିଖ ରହିଛି ଅକ୍ଟୋବର ୧୪ । ଅକ୍ଟୋବର ୧୭ ପ୍ରାର୍ଥପତ୍ର ପ୍ରତ୍ୟାହାର କରିବାର ଶେଷ ତାରିଖ ରହିଛି। ନଭେମ୍ବର ୩ ତାରିଖ ମତଦାନ ଏବଂ ୬ ତାରିଖ ଭୋଟ ଗଣତି କରାଯିବ। ।
