‘ବଚପନ କା ପ୍ୟାର’ର ସହଦେବ ବନିଲେ ବଚ୍ଚନ ପାଣ୍ଡେ
ନୂଆଦିଲ୍ଲୀ, ୨୫/୩: ‘ବଚପନ କା ପ୍ୟାର’ ସହଦେବ ଦିର୍ଡୋଙ୍କୁ କିଏ ନଜାଣିଛନ୍ତି। ଇଣ୍ଟରନେଟ୍ ସେନସେସନ ସହଦେବ ବର୍ତ୍ତମାନ ଅକ୍ଷୟ କୁମାର ଏବଂ କ୍ରିତି ସେନନଙ୍କ ଅଭିନୀତ ଚଳଚ୍ଚିତ୍ର ‘ବଚ୍ଚନ ପାଣ୍ଡେ’ର କପି କରିବା ଆରମ୍ଭ କରିଛନ୍ତି ।
ସହଦେବ ଦିର୍ଡୋ ଏହି ଚଳଚ୍ଚିତ୍ରର ଖୁବ ସୁନ୍ଦର ସଂଳାପ ମଧ୍ୟ କହୁଛନ୍ତି। ତାଙ୍କର ଏକ ଭିଡିଓ ବହୁତ ଭାଇରାଲ୍ ହେବାରେ ଲାଗିଛି। ଏହି ଭିଡିଓରେ ସେ ‘ବଚ୍ଚନ ପାଣ୍ଡେ’ର ସଂଳାପରେ ଲିପ୍-ସିଙ୍କ୍ କରୁଥିବା ଦେଖିବାକୁ ମିଳୁଛି। ସୋସିଆଲ ମିଡିଆରେ ତାଙ୍କର ଏହି ନୂଆ ଲୁକକୁ ଲୋକମାନେ ବେଶ ପସନ୍ଦ କରୁଛନ୍ତି।
ସୋସିଆଲ ମିଡିଆରେ ବଚ୍ଚନ ପାଣ୍ଡେଙ୍କ ସଂଳାପ ଟ୍ରେଣ୍ଡରେ ଅଛି । ଲୋକମାନେ ଏହି ସଂଳାପରେ ଲିପ୍-ସିଙ୍କ୍ କରି ନିଜର କଣ୍ଟେଣ୍ଟ ତିଆରି କରୁଛନ୍ତି। ଏହି କ୍ରମରେ ଲୋକମାନେ ସହଦେବ ଦିର୍ଡୋଙ୍କ ସଂଳାପକୁ ମଧ୍ୟ ବହୁତ ପସନ୍ଦ କରୁଛନ୍ତି।
ସହଦେବ ଦିର୍ଡୋ ଏହି ଭିଡିଓକୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ଏହି ଭିଡିଓକୁ ୪ ହଜାରରୁ ଅଧିକ ଲାଇକ୍ ମିଳିଛି। ସୋସିଆଲ ମିଡିଆ ବ୍ୟବହାରକାରୀ ଏହି ଭିଡିଓକୁ ଦେଖି ବିଭିନ୍ନ ପ୍ରକାର ପ୍ରତିକ୍ରିୟା ଦେଇଛନ୍ତି।
-ସମ୍ବାଦ
