ପୁଣି ହାତକୁ ଦି ହାତ ହେବେ IAS ଟପ୍ପର ଟିନା ଡାବି
ନୂଆଦିଲ୍ଲୀ୨୯/୩ : UPSC ଟପ୍ପର IAS ଟିନା ଡାବି ପୁଣିଥରେ ହାତକୁ ଦିହାତ ହେବାକୁ ଯାଉଛନ୍ତି । ଅର୍ଥାତ୍ ଦ୍ୱିତୀୟ ବିବାହ କରିବାକୁ ଯାଉଛନ୍ତି ଟିନା ଡାବି । ୨୦୧୬ ରାଜସ୍ଥାନ କ୍ୟାଡର ଅଧିକାରୀ ଟିନା ଖୁବ୍ ଶୀଘ୍ର ୨୦୧୩ ବ୍ୟାଚ୍ ଆଇଏଏସ୍ ପ୍ରଦୀପ ଗାୱାଣ୍ଡେଙ୍କ ସହ ବିବାହ ବନ୍ଧନରେ ବାନ୍ଧିହେବେ ।
ନିଜ ଇନଷ୍ଟାଗ୍ରାମରେ ପ୍ରଦୀପ ଗାୱାଣ୍ଡେଙ୍କ ସହ ଚିତ୍ର ସେୟାର କରି ଟିନା ନିଜେ ତାଙ୍କ ନୂଆ ଜୀବନ ବିଷୟରେ ପ୍ରକାଶ କରିଛନ୍ତି । ତାଙ୍କ ଭାବି ସ୍ୱାମୀଙ୍କ ସହ ଟିନା ଇନଷ୍ଟାଗ୍ରାମରେ ଫଟୋ ସେୟାର କରିଛନ୍ତି । ଏହି ଫଟୋଗୁଡ଼ିକରେ ପ୍ରଦୀପ ଗାୱାଣ୍ଡେ ଟିନାଙ୍କ ହାତରେ ହାତରେ ଧରି ବସିଥିବାର ଦେଖିବାକୁ ମିଳିଛନ୍ତି ।
ଏହା ହେଉଛି ଟିନା ଡାବିଙ୍କର ଦ୍ୱିତୀୟ ବିବାହ:
ଟିନା ଡାବି ପୂର୍ବରୁ ୨୦୧୮ରେ IAS Athar Khan କୁ ବିବାହ କରିଥିଲେ । ୨୦୨୦ରେ ଦୁଇ ବର୍ଷ ପରେ, ସେମାନେ ପାରସ୍ପରିକ ସହମତି ସହିତ ଅଲଗା ହୋଇଥିଲେ । ୨୦୧୬ UPSC ପରୀକ୍ଷାରେ ଅଥାର ଖାନ ଦ୍ୱିତୀୟ ଟପ୍ପର ହୋଇଥିଲେ ।
ଟ୍ରେନିଂ ସମୟରେ ଟିନା ଡାବି ଏବଂ ଅଥାର ପ୍ରେମରେ ପଡିଥିଲେ । ୨୦୧୮ରେ, ଉଭୟଙ୍କ ବିବାହ ଅନେକ ଚର୍ଚ୍ଚାରେ ଥିଲା । ବିବାହ ପରେ ଅଥାର ଖାନ ରାଜସ୍ଥାନରେ କାମ କରୁଥିଲେ, କିନ୍ତୁ ଟିନାଙ୍କ ଛାଡପତ୍ର ପରେ ସେ ଜାମ୍ମୁ କାଶ୍ମୀର କ୍ୟାଡରକୁ ଯାଇଥିଲେ ।
ସୋସିଆଲ ମିଡିଆରେ ଟିନା ବହୁତ ସକ୍ରିୟ:
ତାଙ୍କ ବ୍ୟକ୍ତିଗତ ଜୀବନ ସହିତ ଟିନା ଦାବି ସୋସିଆଲ ମିଡିଆରେ ବହୁତ ସକ୍ରିୟ । ଟିନା ମଧ୍ୟ ତାଙ୍କ ସୌନ୍ଦର୍ୟ୍ୟ ପାଇଁ ଲାଇମଲାଇଟରେ ରହିଥାନ୍ତି। ଟିନା ପ୍ରାୟତ ତାଙ୍କ ଚିତ୍ର ଏବଂ ଚମତ୍କାର ରିଲ୍ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଥାଏ ।
ଟିନା ଦାବି ଦିଲ୍ଲୀର ବାସିନ୍ଦା । ଗତ ବର୍ଷ ତାଙ୍କ ଭଉଣୀ ରିୟା ଡାବି ମଧ୍ୟ ତାଙ୍କର ପ୍ରଥମ ପ୍ରୟାସରେ UPSC ପରୀକ୍ଷା କ୍ଲିଅର କରିଥିଲେ । UPSC କୁ କ୍ଲିୟର କରିବାରେ ରିୟା ସବୁଠାରୁ କନିଷ୍ଠ ପ୍ରାର୍ଥୀ ଅଟନ୍ତି ।
